परभणीच्या पालम ते लोहा रोडवरील घटना अकस्मात मृत्युची नोंद…!
पालम (Parbhani Youth Suicide) : पैसे मागितल्यावर पैसे न दिल्याने रागाच्याभरात सोळा वर्षीय मुलाने पालम ते लोहा रोडवर झाडाला दोरीने गळफास लावून आत्महत्या केली. ही घटना २१ ऑगस्टच्या दुपारी तीनच्या सुमारास उघडकीस आली. या (Parbhani Youth Suicide) प्रकरणी २२ ऑगस्टला पालम पोलिसात अकस्मात मृत्युची नोंद करण्यात आली आहे.
सखुबाई पवार यांनी खबर दिली आहे. बेनु बन्सी पवार वय १६ वर्ष, रा. इंदिरा नगर पालम, असे मयताचे नाव आहे. बेनु पवार याने पैसे मागितले होते. यावेळी खबर देणार यांनी पैसे न दिल्याने रागाच्या भरात घराबाहेर पडलेल्या बेनुने पालम ते लोहा रोडवर नदी जवळ असलेल्या खडी मशीन परिसरात लिंबाच्या झाडाला दोरीच्या सहाय्याने गळफास लावून आत्महत्या केली. ही घटना १८ ऑगस्टच्या दुपारी चार ते २१ ऑगस्टच्या दुपारी तीन या दरम्यान घडली. सदर प्रकरणी पालम पोलिसात अकस्मात मृत्युची नोंद करण्यात आली आहे. तपास सपोउपनि. पाटील करत आहेत.
रेल्वेच्या धडकेत तरुणाचा मृत्यू
गंगाखेड : रेल्वेची धडक लागून रेल्वे खाली आल्याने ३२ वर्षीय तरुणाचा मृत्यू झाला. ही (Parbhani Youth Suicide) घटना २१ ऑगस्ट रोजी सायंकाळी साडे सातच्या सुमारास गंगाखेड तालुक्यातील मरगळवाडी शेत शिवारात घडली. या प्रकरणी २२ ऑगस्टला गंगाखेड पोलिसात अकस्मात मृत्युची नोंद करण्यात आली आहे. रामभाऊ मरगळ यांनी खबर दिली आहे. प्रल्हाद मरगळ वय ३२ वर्ष, असे मयताचे नाव आहे. तपास पोह. जाधव करत आहेत.
