Karanja Accident :- दुचाकी वरील नियंत्रण सुटल्याने घडलेल्या अपघातात (Accident) दोन युवक जखमी झाले. कारंजा मंगरूळपीर मार्गावरील एच. आर. पी. मॉल जवळ सोमवारी 30 जून रोजी दुपारी 4 वाजता ही घटना घडली. किसना बाबूलाल ठोकळ व 19 वर्ष व राहुल अडाट वय 17 वर्ष अशी जखमी युवकांची नावे असून ते दोघेही कारंजा तालुक्यातील महागाव येथील रहिवाशी असल्याची माहिती पुढे आली आहे.
दुचाकी वरील नियंत्रण सुटले आणि दुचाकी रस्ता दुभाजकावर धडकली त्यामुळे अपघात
सुत्रांच्या माहितीनुसार अपघातातील जखमी युवक दुचाकीने कारंजा येथून राहत्या गावी महागाव येथे जात असताना मार्गातील अपघात स्थळी त्यांचे दुचाकी वरील नियंत्रण सुटले आणि दुचाकी रस्ता दुभाजकावर धडकली त्यामुळे अपघात घडला. अपघाताच्या घटनेची माहिती मिळताच दादाजी रुग्णवाहिकेचे (Ambulance) चालक संदेश मेश्राम आणि छोटू उके यांनी घटनास्थळी धाव घेऊन जखमींना उपचारासाठी कारंजा उपजिल्हा रुग्णालयात दाखल केले. वृत्त लिहेपर्यंत उपजिल्हा रुग्णालयात त्यांचेवर उपचार सुरू होते
