युक्रेनच्या राजधानीतील दोन भागांत आगी; काही क्षेपणास्त्रे आणि ड्रोन पाडल्याचा हवाई संरक्षण यंत्रणेचा दावा
रशिया-युक्रेन युद्धादरम्यान रविवारी पहाटे युक्रेनची राजधानी कीव्ह पुन्हा एकदा रशियन हल्ल्याने हादरली. रशियन सैन्याने क्षेपणास्त्रे आणि मोठ्या संख्येने ड्रोनच्या माध्यमातून कीव्हला लक्ष्य केले. या हल्ल्यात शहरातील दोन भागांत आग लागली असून किमान तीन जण जखमी झाल्याची माहिती युक्रेनच्या अधिकाऱ्यांनी दिली आहे.
युक्रेनच्या हवाई संरक्षण यंत्रणांनी रशियाकडून डागण्यात आलेल्या काही क्षेपणास्त्रे आणि ड्रोनना हवेतच निष्प्रभ केल्याचा दावा केला आहे. मात्र, काही हवाई हल्ल्याची साधने कीव्हच्या परिसरात कोसळल्याने विविध ठिकाणी मालमत्तेचे नुकसान झाले.
🚀 New footage reportedly shows the aftermath of Ukraine’s strike on the Progress Center in Samara. Kyiv says FP-5 Flamingo missiles were used. If the damage is confirmed, Ukraine has hit a key hub of Russia’s rocket and space industry deep inside the country. pic.twitter.com/giklPydbll
— Vox Resoviae (@VoxResoviae) August 16, 2026
हल्ल्यानंतर राजधानीतील दोन भागांत आगीच्या घटना घडल्या. परिस्थितीची माहिती मिळताच अग्निशमन दलाची पथके घटनास्थळी पोहोचली आणि आगीवर नियंत्रण मिळवण्यासाठी प्रयत्न सुरू केले. हल्ल्यात जखमी झालेल्या नागरिकांना तातडीने रुग्णालयात उपचारासाठी दाखल करण्यात आले.
X accounts under EU control are celebrating footage of a warehouse being hit near Moscow.
— Mario ZNA (@MarioBojic) August 16, 2026
What they won’t show you is this footage from Kyiv last night.
The EU doesn’t want you to know Kyiv is in ruins and Russian forces are just a few kilometers from Kramatorsk.…
दरम्यान, रशिया आणि युक्रेनमधील युद्धात अलीकडच्या काळात ड्रोन हल्ल्यांची तीव्रता वाढल्याचे चित्र आहे. दोन्ही देशांकडून एकमेकांच्या भागांना लक्ष्य करण्यासाठी ड्रोनचा मोठ्या प्रमाणावर वापर केला जात आहे.
शांतता प्रस्थापित करण्यासाठी चर्चेचे प्रयत्न सुरू असतानाच युक्रेनच्या राजधानीवर झालेल्या या हल्ल्यामुळे युद्धविरामाच्या प्रयत्नांवर पुन्हा प्रश्न उपस्थित झाले आहेत. संघर्ष कमी करण्यासाठी सुरू असलेल्या राजनैतिक हालचालींच्या पार्श्वभूमीवर कीव्हवरील या हल्ल्याचे महत्त्व वाढले आहे.
