दवडीपार-पचखेडी स्मशानभूमीजवळील घटना
भंडारा (SDO vehicle Accident) : भंडारा उपविभागीय अधिकारी माधुरी तिखे आपल्या पतीसोबत वाहनातून गस्तीवर होत्या, वाळूने भरलेल्या टिप्परचा पाठलाग करतांना शेतात यांचे वाहन उलटले. ही घटना गुरुवार, दि. ९ ऑक्टोबर रोजी सकाळी ५ वाजता कारधा पोलिस ठाण्याच्या हद्दीत दवडीपार ते पचखेडी स्मशानभूमी रस्त्यावर घडली. (SDO vehicle Accident) उपविभागीय अधिकारी माधुरी विठ्ठल तिखे यांच्या तक्रारीवरून, टिप्पर क्रमांक एमएच ३६ एए ४१०६ आणि बोलेरो क्रमांक एमएच ३६ एएल २८५३ या गाडीच्या चालकावर गुन्हा दाखल करण्यात आला आहे.
उपविभागीय अधिकारी तिखे पती शाहबाज शेख (३२) यांच्यासोबत क्रमांक एमएच ३६ एआर ०५७८ मध्ये पेट्रोलिंगसाठी निघाल्या होत्या. यादरम्यान, वाळूने भरलेल्या ट्रकमध्ये रॉयल्टी नसल्याचे तिखे यांना अ‍ॅपवर आढळले. तिखे यांनी त्यांचे पती शाहबाज शेख यांच्यासह ट्रकचा पाठलाग केला. यादरम्यान, (SDO vehicle Accident) बोलेरो गाडी क्रमांक एमएच ३६ एएल २८५३ या गाडीच्या चालकाने त्यांचे वाहन दोन्ही वाहनांच्या मध्ये आणले. त्यांनी वारंवार ब्रेक लावून टिप्पर पकडण्याच्या कारवाईत अडथळा आणला. बोलेरो गाडीच्या चालकाने वळण घेतल्यावर उपविभागीय अधिकार्‍यांचे वाहन शेतात गेले आणि उलटले. तिखे आणि त्यांचे पती किरकोळ जखमी झाले. दोघांवर जिल्हा रुग्णालयात उपचार करण्यात आले.
या अपघाताबाबत बोलेरो वाहन आणि टिप्पर चालकाविरुद्ध भारतीय दंड संहितेच्या कलम १०९, १३२, ३ (५), ३०३ (२), जमीन महसूल कायद्याच्या उपकलम ४८ आणि पर्यावरण संरक्षण कायद्याच्या उपकलम ७ आणि ९ अंतर्गत पोलिस तक्रार दाखल करण्यात आली आहे. यामध्ये उपविभागीय अधिकार्‍यांच्या कर्तव्यात अडथळा आणणे आणि जीव धोक्यात घालणे असा आरोप आहे. (SDO vehicle Accident) वृत्त लिहिण्याच्या वेळेपर्यंत, या प्रकरणात कोणालाही अटक करण्यात आलेली नाही. सहाय्यक पोलिस निरीक्षक प्रशांत साखरे या प्रकरणाचा तपास करत आहेत.
पतीच्या उपस्थितीबद्दल प्रश्न
उपविभागीय अधिकारी माधुरी तिखे या पतीसोबत शासकीय कामासाठी निघाल्या होत्या. सूत्रांनी दिलेल्या माहितीनुसार, तिखे यांचे पती शाहबाज शेख हे वाहन चालवत होते. त्यावेळी (SDO vehicle Accident) महसूल विभागाचा कोणताही कर्मचारी उपस्थित नव्हता. पतीच्या शासकीय कामातील उपस्थितीबद्दल प्रश्न उपस्थित केले जात आहेत.
माहिती देण्यास दिरंगाई
या (SDO vehicle Accident) प्रकरणात माहिती देण्यास पोलिस प्रशासन दिरंगाई करत असल्याचे दिसून आले. बराच काळ या घटनेची माहिती माध्यमांना देण्यात आली नाही. वरिष्ठ अधिकार्‍याने दखल घेतल्यानंतर, प्रकरणाची माहिती देण्यात आली.
