बुलढाणा (Dr. Madhukar Devkar) : तालुक्यातील धामणगाव. (धाड ) येथील डॉ. मधुकर देवकर यांचा जांभरुण रोड बुलढाणा येथे देवकर हॉस्पिटल हॉस्पिटलचे प्रमुख स्त्री रोग तज्ञ डॉ. मधुकर देवकर यांचे दि. २६ जुलै रोजी पहाटे अडीच वाजताच्या सुमारास त्यांचे प्रदिर्घ आजाराने निधन झाले. मृत्यूच्या वेळी त्यांचे वय ५५ वर्षे होते. या आधी डॉ. देवकर यांना २६ सप्टेंबर २०२५ रोजी ब्रेन हॅमरेज झाला होता. मॉर्निंग वॉक नंतर घरी पोहोचलेल्या डॉक्टर देवकर यांना घरीच ब्रेन हॅमरेज झाला होता. पुढच्या उपचारासाठी छत्रपती संभाजीनगर येथे हलविण्यात आले होते.
या पूर्वी डॉ. देवकर (Dr. Madhukar Devkar) यांच्या हृदयावर शस्त्रक्रिया करण्यात आली होती. त्यांच्या पार्थिवावर दि.२६ जुलै रोजी दुपारी २ वाजता त्यांचे मुळगाव धामणगाव (धाड) येथे अंत्यसंस्कार करण्यात आले. यावेळी बुलढाणा, जालना , संभाजीनगर परिसरातील हजारो आप्तेष्ट शेकडो डॉक्टर यांच्यासह बुलढाणा मतदारसंघाचे आमदार संजय गायकवाड यांनी डॉक्टर देवकर यांच्या मॉर्निंग वॉक पासुन तर त्यांच्या वैद्यकीय व्यवसाय बाबत दुःखद वेदना व्यक्त केल्या मी माझ्या जीवनात अनेक डॉक्टर बघितले.
परंतु डॉक्टर देवकर सारखे नाही त्यांनी कधीही पैशाचा लोभ केला नाही रुग्ण सेवा हीच ईश्वर सेवा या युक्तीप्रमाणे त्यांचे कार्य होते यावेळी अनेकांना अश्रू अनावरण झाले होते. त्यांच्या पश्चात पत्नी, दोन मुले,तीन भाऊ असा मोठा आप्त परिवार आहे. त्यांच्या जाण्याने वैद्यकीय क्षेत्राची मोठी हानी झाल्याची शोक भावना व्यक्त होत आहे.
