हिंदूत्वाच्या कावड यात्रेत लाखोंच्या संख्येने शिवभक्त सहभागी होण्याचा निर्धार

हिंगोली (Hindutva Kavad Yatra) : शिवसेना जिल्हा प्रमुख तथा आमदार संतोष बांगर यांच्या नेतृत्वाखाली मागील अनेक वर्षापासून कावड यात्रा काढली जाते. त्यानुसार यावर्षीही २४ ऑगस्टला हिंदूत्वाची भव्य कावड यात्रा काढली जाणार असल्याने त्याच्या नियोजन बैठकीत उपस्थित शिवभक्तांनी लाखोंच्या संख्येने कावड यात्रेमध्ये सहभागी होण्याचा निर्धार केला.

२४ ऑगस्टला कळमनुरी शहराजवळील चिंचाळेश्वर महादेव मंदिर ते हिंगोली कयाधू नदीच्या तिरावरील ओम कयाधू अमृतधारा महादेव मंदिरापर्यंत काढण्यात येणार्‍या कावड यात्रेच्या नियोजन संदर्भात शिवसेना जिल्हा प्रमुख तथा आमदार संतोष बांगर यांच्या उपस्थितीत शिवभक्तांची बैठक घेण्यात आली. या बैठकीत युवासेनेचे जिल्हा प्रमुख राम कदम, नगर परिषदेचे शिवसेना गटनेते श्रीराम बांगर, नगरसेवक गणेश बांगर, सुभाष बांगर, राजेंद्र शिखरे, शिवसेनेचे ज्येष्ठ नेते संजय पाटील बोंढारे, शिवसेनेच्या महिला जिल्हाध्यक्षा रेखाताई देवकते, राजेश्वर पतंगे, अनिल देशमुख, आर.आर. पाटील, अर्चना बहेन, अमोल पाटील, नगरसेवक खली बांगर, कपिल खंडेलवाल, सुमित कांबळे, गुड्डू बांगर, रविंद्र वाढे, विशाल गोटरे,  अक्षय लव्हाळे, अ‍ॅड. पंजाब चव्हाण, राजू चापके, सुरेश शेळके, अभय पाटील सावंत, निश्चल यंबल,  यांच्यासह मोठ्या संख्येने शिवभक्तांची उपस्थिती होती.

यावेळी आमदार संतोष बांगर यांनी बोलताना दरवर्षी प्रमाणे याहीवर्षी ही कावड यात्रा काढली जाणार असल्याने मोठ्या संख्येने (Hindutva Kavad Yatra) शिवभक्तांनी सहभागी होण्याचे आवाहन केले आहे. शिवभक्तांचा उत्साह वाढविण्याकरीता शिवसेनेचे युवा नेते डॉ. खासदार श्रीकांत शिंदे यांच्यासह अनेक मंत्र्यांची उपस्थिती राहणार असल्याची सांगितले. या बैठकीनंतर कावड यात्रेच्या नियोजनावर चर्चा करण्यात आली.