जयंती शांततेत साजरी करण्याचे जिल्हा पोलीस अधीक्षक डॉक्टर नीलम रोहन यांचे आवाहन
हिंगोली (Dr. Babasaheb Ambedkar) : १४ एप्रिलला जिल्ह्यात भारतरत्न डॉ. बाबासाहेब आंबेडकर यांची जयंती उत्साहात साजरी केली जाणार आहे. त्यानिमित्ताने कुठेही अनुचित घटना घडू नये या उद्देशाने जिल्हा पोलीस अधिक्षक डॉ. निलाभ रोहन यांची सर्वत्र चोख पोलीस बंदोबस्त तैनात केला आहे.
भारतरत्न डॉ.बाबासाहेब आंबेडकर (Dr. Babasaheb Ambedkar) यांची जयंती सर्वत्र उत्साहात साजरी केली जाते. त्यानिमित्ताने विविध ठिकाणी ध्वजारोहण, मिरवणुक काढली जाते. हिंगोलीसह वसमत, कळमनुरी, औंढा नागनाथ, सेनगाव, कळमनुरी या पाच ही तालुक्यात विविध ठिकाणी कार्यक्रम घेण्यात येणार आहेत. कुठेही अनुचित घटना घडू नये या दृष्टीने जिल्हा पोलीस अधिक्षक डॉ. निलाभ रोहन यांच्या मार्गदर्शनाखाली अप्पर पोलीस अधिक्षक कमलेश मिना व ५८ पोलीस अधिकारी, दोन राज्य राखीव पोलीस बलाचे प्लाटुन, दंगाकाबु पथकातील दोन प्लाटुन, ५०३ कर्मचारी, ५१० पुरूष व ११० महिला होमगार्ड, दहशतवाद विरोधी पथक, बॉम्ब शोधक व नाशक पथक तैनात करण्यात आले आहेत.
ज्या ज्या (Dr. Babasaheb Ambedkar) सार्वजनिक महोत्सव समितीने पोलीस ठाण्याकडून रितसर परवानगी घेतली आहे त्यातील अटी व शर्तीचे उल्लंघन होवू देवू नका तसेच डिजे वाजवु नका, मद्य सेवन करून जयंतीच्या मिरवणुकीत नाचु नका, वेळ मर्यादेचे पालन करावे व मिरवणुकीचा ठरवून दिलेला मार्ग यावरूनच मिरवणुक काढावी असे आवाहन जिल्हा पोलीस अधिक्षक डॉ. निलाभ रोहन यांनी आवाहन केले आहे.
