खानापुर फाट्यावर हानामारील, गाडीने चिरडण्याचा प्रयत्न ; व्हिडीओ व्हायरल
परभणी (Nava Mondha police) : शहरातील खानापुर फाटा परिसरात शनिवार २१ मार्च रोजी सायंकाळी झालेल्या किरकोळ वादातून तुंबळ हाणामारी झाली. या घटनेदरम्यान एका तरुणाच्या अंगावरून स्कॉर्पिओ गाडी घालण्याचा प्रयत्न करण्यात आल्याने परिसरात भीतीचे वातावरण निर्माण झाले. याच प्रकरणातील वाहनचालकाने निष्काळजीपणे रिव्हर्स घेताना एका इसमाला धडक दिल्याचा व्हिडिओ सोशल मीडियावर व्हायरल झाल्यानंतर नवा मोंढा पोलीसात वाहनचालकावर गुन्हा दाखल करण्यात आला आहे.
याबाबत अधिक माहिती अशी की, सायंकाळी सुमारे ६ वाजण्याच्या सुमारास काही युवक स्कॉर्पिओ वाहनातून खानापुर फाटा येथे आले होते. किरकोळ कारणावरून त्यांच्यात वाद झाला. शाब्दिक बाचाबाचीचे रूपांतर हाणामारीत झाले आणि युवकांनी एकमेकांवर लाठ्याकाठ्यांनी मारहाण केली. यावेळी एका तरुणाच्या अंगावरून स्कॉर्पिओ घालण्याचा प्रयत्न झाला, मात्र सुदैवाने तो बचावला.दरम्यान, याच (Nava Mondha police) घटनेत स्कॉर्पिओ चालकाने निष्काळजीपणे रिव्हर्स घेताना शेख आसेफ शेख युसुफ वय ३५ यांना धडक दिल्याने ते जखमी झाले. या घटनेचा व्हिडिओ सोशल मीडियावर मोठ्या प्रमाणात व्हायरल झाला. पोलिसांनी त्याची पडताळणी करून कारवाई केली.याप्रकरणी नवा मोंढा पोलीस ठाण्याचे पोलीस निरीक्षक महादेव मांजरनकर यांच्या फिर्यादीवरून एम एच २२ ९०५०या क्रमांकाच्या वाहनचालका विरुध्द नवा मोंढा पोलीसात गुन्हा दाखल करण्यात आला आहे.
