पाथरी (Knife Attack) : परभणी जिल्ह्यातील पाथरी शहरात “तु या रस्त्याने का आला, हा आमचा इलाका आहे, आम्ही पाथरीचे दादा आहोत,” असे म्हणत दोघांवर चाकूने हल्ला करण्यात आल्याची घटना समोर आली आहे. ही घटना २० मे रोजी मध्यरात्री दीड वाजण्याच्या सुमारास घडली. जखमींनी उपचारादरम्यान दिलेल्या तक्रारीवरून २३ मे रोजी पाथरी पोलीस ठाण्यात तिघांविरोधात गुन्हा दाखल करण्यात आला आहे.
याबाबत शरीफ अहमद यांनी तक्रार दिली आहे. फिर्यादी आणि त्यांचे मावसभाऊ शेख लुकमान हे दुचाकीने जैतापूर मोहल्ला येथून तहसील कॉलनीकडे जात असताना पोस्ट ऑफिसजवळ आले असता ओळखीतील काही इसमांनी त्यांची दुचाकी अडविली.
यानंतर आरोपींनी शिवीगाळ करत वाद घालण्यास सुरुवात केली. “तु या रस्त्याने का आला, आम्ही पाथरीचे दादा आहोत,” असे म्हणत आरोपींनी चाकूने हल्ला केला. या हल्ल्यात फिर्यादी आणि त्यांचे मावसभाऊ जखमी झाले.
या प्रकरणी जुबेर जैदी, शेख आशफाक उर्फ आशू मॉडेल आणि अब्दुल रहेमान नासेर चाउस यांच्याविरोधात पाथरी पोलीस ठाण्यात गुन्हा दाखल करण्यात आला असून पुढील तपास सुरू आहे.
