वादळी पावसात घडली घटना; सुदैवाने जीवितहानी टळली
धारासुर (Dharasur Temple Lightning) : गंगाखेड तालुक्यातील धारासुर येथे सोमवार ३० मार्च रोजी रात्री ९ ते १० वाजण्याच्या सुमारास अवकाळी पावसासह जोरदार वादळी वारे वाहत होते. अवकाळी पावसादरम्यान वीजेचा कडकडाट होऊन श्रीराम मंदिराच्या कळसावर वीज कोसळली. (Dharasur Temple Lightning) मंदिराचा कळस जमिनीवर कोसळला. या घटनेमुळे गावात काही काळ भीतीचे वातावरण निर्माण झाले होते. सोमवारी रात्री मंदिरात २० ते २५ महिला व पुरुष पोथी पारायणासाठी उपस्थित होते.
अचानक झालेल्या या (Dharasur Temple Lightning) प्रकारामुळे मंदिर परिसरात भितीचे वातावरण निर्माण झाले. श्रीराम मंदिर हे गावाच्या मध्यवर्ती ठिकाणी असून आजूबाजूला घरे असल्याने नागरिकांमध्ये भिती पसरली होती. मात्र सुदैवाने या घटनेत कोणतीही जीवितहानी झाली नाही. काही वेळानंतर पाऊस व वादळ कमी झाल्यानंतर गावकर्‍यांनी मंदिर परिसराची पाहणी केली असता मंदिराचा कळस जमिनीवर पडलेला दिसून आला. तसेच मंदिराच्या वरच्या भागाचे नुकसान झाल्याचेही निदर्शनास आले.
घटनेची माहिती मिळताच गावातील शेकडो नागरिकांनी मंदिर परिसरात धाव घेतली. (Dharasur Temple Lightning) संबंधित प्रशासनाने तात्काळ पंचनामा करून नुकसान भरपाई द्यावी, अशी मागणी ग्रामस्थांकडून करण्यात येत आहे.
