मानोरा (Petrol Crisis) : काही दिवसापासून आखाती देशामध्ये युद्ध सुरू असता त्याची झळ आता मानोरा तालुक्यातही हल्ली प्रकर्षाने नागरिकांना जाणवायला सुरुवात झाली आहे. पेट्रोल व गॅस इंधनाचा तुटवडा निर्माण होऊन ती मिळणार नाही अशी अफवा पसरल्याने शहरासह तालुक्यातील बहुतांश पेट्रोल डिझेलचा स्टॉक असलेल्या सर्वच पेट्रोल पंपावर नागरिक एकच गर्दी करीत आहे.
पेट्रोल पंपावर (Petrol Crisis) दुचाकी आणि चार चाकी लांबच लांब रांगा लागल्या असुन इंधन मिळविण्यासाठी त्यांच्यात चढाओढ पाहायला मिळत आहे. तालुक्यात इंधन तुटवड्याची अफवा वाऱ्यासारखी पसरली आणि मानोरा शहरातील प्रत्येक पेट्रोल पंप गर्दीने ओसंडून वाहू लागल्याचे चित्र दिसून येत आहे. जे वाहनधारक शे दोनशेचे रुपयाचे पेट्रोल भरायचे ते आज टाकी फुल करत असल्याचे बघायला मिळत आहे. हीच स्थिती चारचाकी वाहन धारकांची आहे.
एका अफेमुळे लोकात किती संभ्रम आणि भीतीचे वातावरण निर्माण झाले याचा प्रत्यक्ष पुरावा प्रत्येक (Petrol Crisis) पेट्रोल पंपावर दिसून येत आहे. इंधनाची खरंच कमतरता आहे का ? की ही केवळ अफवा आहे. याचा खुलासा आता प्रशासनाने करण्याची गरज आहे. इराणविरोधात अमेरिका व इस्त्राईल यांच्यात सुरू असलेल्या युद्धजन्य परिस्थितीचा फटका मनोरा शहरासह ग्रामीण भागातील नागरिकांना बसण्यास सुरुवात झाली आहे. शहरालगतच्या पेट्रोल पंपावर पेट्रोल, डिझेल व गॅसचा तुटवडा निर्माण झाल्याने याचा फटका सर्वसामान्य नागरिकांना बसत आहे.
अचानक वाढलेल्या मागणीमुळे काही पेट्रोल पंपावरील (Petrol Crisis) इंधन साठा संपुष्टात येत आहे. तेंव्हा रांगेत दोन ते तीन तास उभे राहूनही इंधन मिळत नसल्याने अनेक वाहनधारक व शेतकऱ्यांनी नाराजी व्यक्त करीत आहे. आम्ही कामधंदा सोडून रांगेत उभे आहोत. पण नंबर आल्यावर पेट्रोल, डिझेल संपल्याचे सांगण्यात येत आहे. अश्या भावना संतप्त नागरिका व्यक्त करीत आहेत. ज्या पंपावर साठा शिल्लक आहे तिथे रात्री उशिरापर्यंत वाहनधारक नागरिकांची डिझेल व पेट्रोल घेण्यासाठी झुंबड उडत आहे.
