उदगीर (Vaigaon Person Suicide) : तालुक्यातील वायगाव येथे ५० वर्षीय व्यक्तीने राहत्या घरातील खोलीच्या स्लॅबच्या कडीला दोरीच्या साहाय्याने गळफास घेऊन आत्महत्या केल्याची घटना शुक्रवार, दि. २८ ऑगस्ट रोजी सायंकाळी पाचच्या सुमारास घडली. दयानंद बाबुराव हुल्ले (वय ५०, रा. वायगाव, ता. उदगीर) असे मयताचे नाव आहे. याबाबत त्यांचे बंधू संजय सुधाकर हुल्ले यांनी उदगीर ग्रामीण पोलिस ठाण्यात खबर दिली.
पोलिसांनी दिलेल्या माहितीनुसार, दयानंद हुल्ले यांनी आपल्या राहत्या घरातील एका खोलीत स्लॅबच्या कडीला दोरी बांधून गळफास घेतला. घटनेची माहिती मिळताच पोलिसांनी घटनास्थळी धाव घेतली. त्यानंतर मृतदेह पुढील कार्यवाहीसाठी रुग्णालयात दाखल करण्यात आला. दि. २९ ऑगस्ट रोजी मध्यरात्री १२.२३ वाजता मृतदेहाची नोंद करण्यात आली.
या प्रकरणी उदगीर ग्रामीण पोलिस ठाण्यात आकस्मिक मृत्यू क्रमांक ७३/२०२६, कलम १९४ बीएनएसएस अन्वये नोंद करण्यात आली आहे.
पोलिस निरीक्षक दिलीप गाडे यांच्या आदेशाने पुढील तपास पोलिस हवालदार भिसे करीत आहेत. दरम्यान, आत्महत्येचे नेमके कारण अद्याप स्पष्ट झाले नसून पोलिसांकडून पुढील चौकशी सुरू आहे.
