परभणीतील गंगाखेडमधील खडकपुरा येथील घटना, पोलिसात अकस्मात मृत्यूची नोंद...!
परभणी (Gangakhed Youth Death) : गंगाखेड येथे उंदीर मारायचे औषध प्राशन केलेल्या तरुणाचा उपचारादरम्यान मृत्यु झाला. ही (Gangakhed Youth Death) घटना सोमवार १० ऑगस्ट रोजी सकाळी ६:३० वाजे दरम्यान घडली. याप्रकरणी गंगाखेड पोलीस ठाण्यात अकस्मात मृत्युची नोंद करण्यात आली आहे.
याबाबत समजलेली अधिक माहिती अशी की, माहेरी गेलेली पत्नी दोन वर्षांपासून नांदायला येत नसल्याच्या तणावात असलेल्या बालाजी दत्तराव बोरगड वय २७ वर्ष रा. खडकपुरा, गंगाखेड या तरुणाने रविवार ९ ऑगस्ट रोजी सायंकाळी ६:३० वाजेच्या सुमारास उंदीर मारायचे औषध प्राशन केल्याने त्यास गंगाखेड उपजिल्हा रुग्णालयात दाखल करण्यात आले.
येथे प्रथमोपचार करून पुढील उपचारासाठी त्यास परभणी जिल्हा सामान्य रुग्णालयात हलविले असता उपचार सुरु असतांना सोमवार १० ऑगस्ट रोजी सकाळी ६:३० वाजेच्या सुमारास त्याचा मृत्यु झाल्याची खबर मयत तरुणाचा भाऊ नागनाथ दत्तराव बोरगड वय ४२ वर्ष रा. खडकपुरा याने दिल्यावरून (Gangakhed Youth Death) गंगाखेड पोलीस ठाण्यात अकस्मात मृत्युची नोंद करण्यात आली. पुढील तपास पोह मारोती माहोरे, पोशि गोविंद कदम हे करीत आहेत.
