विदर्भात १५ ते २९ जून सकाळी शाळा; ३० जूनपासून नियमित वेळापत्रक लागू
गडचिरोली (Summer Vacation 2026) : महाराष्ट्र राज्यातील राज्य मंडळाच्या सर्व प्राथमिक, माध्यमिक व उच्च माध्यमिक शाळांसाठी सन २०२६ ची उन्हाळी सुट्टी शनिवार, २ मे २०२६ पासून जाहीर करण्यात आली आहे. शाळांच्या सुट्टीच्या कालावधीत एकसमानता व सुसंगती राखण्यासाठी शासनाने हे निर्देश जारी केले आहेत.
इतर मंडळांच्या शाळा त्यांच्या वेळापत्रकानुसार सुरू असल्यास किंवा महत्त्वाचे शैक्षणिक उपक्रम सुरू असल्यास, संबंधित शाळा प्रशासनाने विद्यार्थ्यांच्या सुट्टीबाबत स्वतंत्र निर्णय घेण्याची मुभा देण्यात आली आहे.
दरम्यान, शैक्षणिक वर्ष २०२६-२७ ची सुरुवात राज्यातील सर्व विभागांमध्ये सोमवार, १५ जून २०२६ पासून करण्यात येणार आहे. विदर्भातील उष्णतेचा विचार करून तेथील शाळा १५ जून ते २९ जून या कालावधीत सकाळी ७.०० ते ११.४५ या वेळेत चालविण्यात येतील. त्यानंतर ३० जूनपासून नियमित वेळापत्रक लागू होईल.
शिक्षण संचालक शरद गोसावी यांनी या सूचना सर्व मान्यताप्राप्त शाळांपर्यंत पोहोचविण्याचे निर्देश दिले आहेत.
