सात पोलीस ठाण्यांच्या हद्दीतील कारवाई; खून, मारामारी, चोरी, विनयभंग आणि अवैध दारूविक्रीसह गंभीर गुन्ह्यांची नोंद
पुणे : गणेशोत्सवाच्या काळात शहरातील कायदा व सुव्यवस्था अबाधित ठेवण्यासाठी पुणे पोलिसांनी सराईत गुन्हेगारांविरोधात कठोर पावले उचलली आहेत. शहरातील सात पोलीस ठाण्यांच्या हद्दीतील २७ आरोपींना पुणे शहर, पिंपरी-चिंचवड तसेच संपूर्ण पुणे जिल्ह्यातून तडीपार करण्याचे आदेश देण्यात आले आहेत. या कारवाईमुळे गुन्हेगारी वर्तुळात खळबळ निर्माण झाली आहे.
गणेशोत्सव शांततेत पार पडावा आणि सणाच्या काळात कोणत्याही प्रकारची अनुचित घटना घडू नये, या उद्देशाने पोलिसांनी ही प्रतिबंधात्मक कारवाई केली आहे. तडीपार करण्यात आलेल्या आरोपींविरोधात खून, मारामारी, गुन्ह्याचा कट रचणे, चोरी, तोडफोड, जुगार, शिवीगाळ, विनयभंग आणि बेकायदेशीर दारू विक्री यांसारख्या विविध गंभीर स्वरूपाच्या गुन्ह्यांची नोंद आहे.
या कारवाईत वानवडी, वाघोली, भारती विद्यापीठ, चंदननगर, लोहगाव, विमानतळ आणि लोणीकंद या सात पोलीस ठाण्यांचा समावेश आहे. संबंधित पोलीस ठाण्यांकडून आरोपींची नावे जाहीर करण्यात आली आहेत.
तडीपार करण्यात आलेल्या आरोपींची यादी :
१. वानवडी – मुसा अबू शेख (वय २५, रा. आनंदनगर, रामटेकडी, हडपसर)
२. वानवडी – अशोक महादेव राऊत (वय २८, रा. सुरक्षानगर, हिंगणे मळा, हडपसर)
३. वाघोली – दत्ता रंगनाथ गायकवाड (वय २९)
४. वाघोली – महेश देवराम लोंढे (वय २६)
५. वाघोली – रिना पवन राजपूत (वय ३५)
६. भारती विद्यापीठ – अजिंक्य संतोष काळे (वय २४, रा. आंबेगाव पठार)
७. भारती विद्यापीठ – सरफराज समीर शेख ऊर्फ डर (वय २४, रा. एसआरए वसाहत, कात्रज)
८. भारती विद्यापीठ – महेश ऊर्फ बंटी विनायक चव्हाण (वय २२, रा. खोपडेनगर, कात्रज)
९. विमानतळ – अनिल साहेबराव वीर (वय ४७, रा. इंदिरानगर, बर्मासेल)
१०. विमानतळ – मुकेश बजरंग बुरुंगे (वय ३६, रा. लेन नं. १०, विमाननगर, पुणे)
११. विमानतळ – सागर गौतम अवधूत (वय २९, रा. रामवाडी)
१२. विमानतळ – सुमित ऊर्फ बंटी रणजित गायकवाड (वय २५, रा. रामवाडी)
१३. लोहगाव – गुलाम ऊर्फ गुडडू नवरूलहक मुस्ताफा खान (वय ५०, कलवड वस्ती, लोहगाव)
१४. लोहगाव – शुभम सुखदेव सोनवणे (वय ३८, बीअर फोर्स रोड, लोहगाव)
१५. लोहगाव – दीपक तुकाराम गायकवाड (वय ४६, लोहगाव)
१६. लोहगाव – अतुल गौतम ढोके (वय २५, रा. कलवड वस्ती, लोहगाव)
१७. लोहगाव – आरती संजय साठे ऊर्फ जमदाडे (वय ४३, रा. धानोरी, लोहगाव)
१८. लोणीकंद – सागर राजू ऊर्फ राजेंद्र भालसिंग (वय ३२, रा. कोलवडी, हवेली)
१९. लोणीकंद – सचिन किसन शिंदे (वय ३९, रा. लोणीकंद)
२०. लोणीकंद – हर्षद कुमार शिंदे (वय २४, रा. लोणीकंद, हवेली)
२१. लोणीकंद – रोशन कुमार साहू (वय २४, रा. भावडी, हवेली)
२२. लोणीकंद – अंजिक्य दादासाहेब मस्कुटे (वय २७, रा. खामगाव बु., ता. दौंड)
२३. लोणीकंद – संतोष गोविंद जाधव (वय १८, रा. लोणीकंद)
२४. लोणीकंद – प्रकाश बाबूराव शिवभक्ते (वय २५, रा. खडकआळी, लोणीकंद)
२५. चंदननगर – सुमित सुशील बोरगे (वय ३०, रा. वडगावशेरी)
२६. चंदननगर – गणेश जालिंदर गलांडे (वय ३७, रा. आनंद पार्क, वडगावशेरी)
२७. चंदननगर – अतिश उमेश शिंगरे (वय २३, रा. धानोरी)
पोलिसांच्या या कारवाईमुळे गणेशोत्सवाच्या काळात संभाव्य गुन्हेगारी घटनांना आळा घालण्यास मदत होणार असून, शहरातील शांतता आणि सुरक्षितता कायम ठेवण्यासाठी पोलिसांचा बंदोबस्त अधिक प्रभावी करण्यावर भर दिला जात आहे.
