वाघपिंपरी शिवारात कॅनॉलजवळील घटना, सेलू पोलिसात गुन्हा..!
परभणी (Parbhani tractor accident) : सेलू तालुक्यात कॅनॉलच्या सिमेंट भिंतीवर ट्रॅक्टर पलटी झाल्याने हेडखाली येऊन चालकाचा मृत्यू झाला. ही घटना १० जून रोजी सायंकाळी ५ च्या सुमारास वाघपिंपरी शेत शिवारात कॅनॉलजवळ घडली. या (Parbhani tractor accident) प्रकरणी सेलू पोलिसात गुन्हा नोंदविण्यात आला आहे. गोविंद विठ्ठलराव जाधव यांनी फिर्याद दिली आहे. बालाजी विठ्ठलराव जाधव वय - २५ वर्ष असे मयताचे नाव आहे.
बालाजी जाधव हे ट्रॅक्टर घेऊन शिराळा येथे कामासाठी जात होते. वाघपिंपरी शिवारात कॅनॉलच्या सिमेंट भिंतीवर ट्रॅक्टर पलटी झाला. ट्रॅक्टरच्या हेडखाली दबल्याने बालाजी विठ्ठलराव जाधव याचा मृत्यू झाला. स्वत:च्या (Parbhani tractor accident) अपघाती मृत्यूस कारणीभूत ठरल्या प्रकरणी सेलू पोलिसांत गुन्हा नोंदविण्यात आला आहे. पोलिस अधिक तपास करत आहे.
