कार नुकसान, कार मधील एक गंभीर तीन किरकोळ जखमी
औंढा नागनाथ (Aundha Nagnath Truck Accident) : शहरातील बसस्थानकाजवळ औंढा - हिंगोली रोडवर नगरपंचायत कमान समोर ट्रकचे अचानक ब्रेक फेल होऊन रिव्हर्स आला .यामध्ये एक दुचाकी व कार चपेट मध्ये येऊन झालेल्या भीषण अपघातात एक जण गंभीर तर तिघेजण किरकोळ जखमी झाल्याची घटना ३१ मे रोजी दुपारी दोन वाजेच्या सुमारास घडली असून सुदैवाने यामध्ये मोठी दुर्घटना टाळली आहे. ट्रक क्रमांक एम एच ४० एन ५२१८ हा ट्रक परभणीकडून हिंगोली कडे जात होता .यादरम्यान औंढा नागनाथ शहरातील बस स्थानकासमोर वरदळीच्या ठिकाणी ट्रकचे अचानक ब्रेक फेल झाले आणि ट्रक पाठीमागे रिव्हर्स झाला. असे ट्रकचालक साहेबराव सोनवणे वय 52 यांनी सांगितले.
यादरम्यान (Aundha Nagnath Truck Accident) ट्रकने एक दुचाकी व फुटकळ आंबे विक्रेते यांच्या गाड्याला टक्कर देऊन कार क्रमांक एम एच १४ जीडी ७७५९ या कारला धडक दिली . असून कारचे मोठे नुकसान झाले असून कार पूर्णपणे डिव्हायडर व ट्रकच्या मध्ये कारचा चुराडा झाला.कारमध्ये चार जण हिंगोली कडून परभणी कडे जात होते .यामध्ये कारचालक वैभव ज्ञानोबा खिल्लारे वय ३२ वर्ष हे गंभीर जखमी झाले तर रूपाली वैभव खिल्लारे वय १९ वर्ष, शितल नारायण खिलारे वय २३ वर्षे, काव्या खिल्लारे सर्व राहणार सिंगणापूर तालुका जिल्हा परभणी हे जखमी झाले.
अपघाताची माहिती मिळताच पोलीस निरीक्षक जी एस राहिरे पोलीस उपनिरीक्षक दत्ता कानगुले, पोलीस उपनिरीक्षक शेख खुद्दूस,पोलीस उपनिरीक्षक अमोल इंगोले, जमादार संतोष पवार,रविकांत हरकळ, शाहेद सय्यद, अमोल चव्हाण, रमेश मस्के, हरिप्रसाद गुरुपवार, विश्वनाथ ढोणे, राजकुमार कुटे, संतोष धनवे,वसंत चव्हाण,संदीप इंगळे यांनी तात्काळ घटनास्थळी धाव घेतली .यानंतर ग्रामस्थ संदीप गोबाडे, शेख सिद्दीक, सह इतरांनी तात्काळ जखमींना बाहेर काढून तात्काळ खाजगी रुग्णालयात दाखल केले.
अपघात ठिकाणी बघ्याची मोठी गर्दी झाली. तसेच औंढा - हिंगोली ,औंढा - परभणी रोडवर वाहनांच्या रांगा लागल्या होत्या. यावेळी पोलीस प्रशासनाने अपघातग्रस्त वाहने बाजूला काढून वाहतूक सुरळीत केली. यादरम्यान कार्यक्रमानिमित्त जात असताना आमदार संतोष बांगर यांनी अपघातस्थळी पाहणी केली व जखमीचे विचारपूस करत जखमींना रुग्णालयात दाखल करण्यासाठी मदत केली.औंढा नागनाथ पोलीस स्टेशनमध्ये गुन्हा नोंद करण्याची प्रक्रिया सुरू होती.
