पोलीस, आरोग्य व प्रशासनाची त्रिस्तरीय यंत्रणा सज्ज; हजारो स्वप्नांची निर्णायक परीक्षा शांततेत पार
उदगीर (Udgir NEET Exam) : देशातील वैद्यकीय शिक्षणाचे प्रवेशद्वार मानल्या जाणाऱ्या राष्ट्रीय पात्रता व प्रवेश परीक्षा (NEET) रविवारी उदगीर शहरात अत्यंत शिस्तबद्ध वातावरणात आणि कडेकोट सुरक्षा व्यवस्थेत पार पडली. लाल बहादूर शास्त्री विद्यालय आणि छञपती शिवाजी राजे महाविद्यालय या दोन केंद्रांवर विद्यार्थ्यांच्या भवितव्याचा महत्त्वपूर्ण निर्णय ठरणारी व वैदयकीय क्षेत्रात प्रवेशाचे स्वप्न पाहणाऱ्या विद्यार्थ्यांसाठी अत्यंत महत्त्वाची मानली जाणारी राष्ट्रीय पात्रता व प्रवेश परीक्षा (नीट) रविवारी उदगीर शहरात कडेकोट सुरक्षा व्यवस्थेत आणि अत्यंत शिस्तबद्ध वातावरणात पार पडली.
लाल बहादूर शास्त्री विद्यालय आणि छञपती शिवाजी राजे महाविद्यालय या (Udgir NEET Exam) दोन परीक्षा केंद्रांवर प्रशासनाने अक्षरशः ‘हाय अलर्ट’ जारी केल्याचे चित्र पाहायला मिळाले.नीट परीक्षेच्या पार्श्वभूमीवर सकाळपासूनच पोलीस प्रशासनाने परीक्षा केंद्र परिसर ताब्यात घेतला होता. केंद्राकडे जाणारे सर्व मार्ग नियंत्रित करण्यात आले होते. केवळ परीक्षार्थींनाच प्रवेश देण्यात येत असल्याने परिसरात अनावश्यक गर्दीला आळा बसला. प्रत्येक हालचालीवर पोलिसांचे बारकाईने लक्ष होते. परीक्षेच्या पारदर्शकतेला बाधा पोहोचू नये आणि कोणताही अनुचित प्रकार घडू नये यासाठी केंद्रांवर विशेष सुरक्षा व्यवस्था तैनात करण्यात आली होती. परीक्षा सुरू होण्यापूर्वीच विद्यार्थी केंद्रांवर दाखल झाल्याने परिसरात उत्सुकतेचे वातावरण निर्माण झाले होते.
सुरक्षेबरोबरच आरोग्य विभागानेही दक्षता दाखवत प्रत्येक केंद्राबाहेर रुग्णवाहिका सज्ज ठेवली होती. वैद्यकीय पथकेही सतर्क अवस्थेत तैनात करण्यात आली होती. विद्यार्थ्यांना कोणतीही आरोग्यविषयक अडचण निर्माण झाल्यास तातडीने मदत मिळावी यासाठी ही व्यवस्था करण्यात आली होती. दरम्यान, परीक्षा केंद्राबाहेर पालकांची मोठी गर्दी पाहायला मिळाली. आपल्या पाल्याच्या भवितव्याशी निगडित असलेल्या या परीक्षेमुळे अनेक पालक परीक्षा संपेपर्यंत केंद्राबाहेरच थांबले होते. विद्यार्थ्यांनीही आत्मविश्वासाने परीक्षा दिल्यानंतर समाधान व्यक्त केले.
नीट परीक्षा (Udgir NEET Exam) ही केवळ प्रवेश परीक्षा नसून देशातील लाखो विद्यार्थ्यांच्या वैद्यकीय करिअरचा पाया मानली जाते. वाढती स्पर्धा, मर्यादित जागा आणि गुणवत्तेचा कठोर निकष यामुळे प्रत्येक गुण महत्त्वाचा ठरतो. त्यामुळेच अशा परीक्षांमध्ये प्रशासनाकडून करण्यात येणारी सुरक्षा आणि नियोजनाची व्यवस्था अत्यंत महत्त्वाची मानली जाते. उदगीरमध्ये यंदा पोलीस, आरोग्य आणि प्रशासकीय यंत्रणांनी केलेले प्रभावी नियोजन विद्यार्थ्यांसाठी दिलासादायक ठरले.
