औंढा नागनाथ (Aundha Nagnath terrible accident) : औंढा नागनाथ ते पिंपळदरी जाणाऱ्या मार्गावर तळणी फाट्याजवळ दुचाकी क्रमांक एम एच 38 ए एफ 2010 तर दुसरी दुचाकी क्रमांक एमएच 38 एल 507 दोन दुचाकीची समोरासमोर धडक होऊन झालेल्या भीषण अपघातात चार जण गंभीर जखमी झाल्याची घटना 4 एप्रिल रोजी सायंकाळी पाच वाजेच्या सुमारास घडली आहे.
गजानन प्रल्हाद चिरमाडे वय 28 वर्ष राहणार राजापूर, पिराजी तुकाराम काळे वय 38 वर्ष राहणार राजापूर, रामराव शंकरराव धनवे वय 45 वर्षे राहणार वाळकी, दीपक देवराव गारुळे वय 24 वर्ष असे या (Aundha Nagnath terrible accident) अपघातात गंभीर जखमी झालेल्या चौघांची नावे आहेत.
अपघाताची माहिती मिळताच पोलीस निरीक्षक जी.एस राहिरे, पोलीस उपनिरीक्षक दत्ता कानगुले, पोलीस उपनिरीक्षक शेख खुद्दूस, साह्यक पोलीस उपनिरीक्षक पंजाब थिटे, जमादार वसीम पठाण, शाहेद सय्यद, सुभाष जैताडे, वाहतूक पोलीस वसंत चव्हाण, रावसाहेब देशमुख, यांच्यासह जगद्गुरु नरेंद्रचार्य महाराज यांच्या प्रेरणेने अपघातग्रस्तांसाठी मोफत सुरू असलेली रुग्णवाहिका तात्काळ घटनास्थळी पोहोचली यानंतर आजूबाजूच्या नागरिकांच्या मदतीने जखमींना जगद्गुरु नरेंद्राचार्य महाराज यांच्या प्रेरणेने सुरू असलेल्या रुग्णवाहिकेने औंढा नागनाथ ग्रामीण रुग्णालयात दाखल केले येथे त्यांच्यावर उपचार सुरू होते घटने प्रकरणी अद्याप औंढा नागनाथ पोलीस ठाण्यात नोंद झाली नव्हती.
