दोघांच्या जामीन अर्जावर आता १ जूनला होणार सुनावणी
हिंगोली (Land Records Office Bribery) : उपाधिक्षक भुमीअभिलेख कार्यालयातील दोन भुकरमापकास ४ हजाराची लाच स्विकारताना एसीबीच्या पथकाने २२ मे रोजी रंगेहात पकडले होते. प्रारंभी या दोन्ही लाचखोरांना तीन दिवसाची पोलिस कोठडी सुनावली होती. त्यानंतर १४ दिवस न्यायालयीन कोठडी सुनावली होती. त्यांच्या जामीनावर २८ मे रोजी सुनावणी होणार होती. परंतु आता हि सुनावणी लांबणीवर गेली असून १ जून रोजी होणार आहे. त्यामुळे दोन्ही लाचखोरांना परभणी कारागृहातील मुक्काम आणखी काही दिवस वाढणार आहे.
हिंगोली भुमीअभिलेख उपाधिक्षक कार्यालयातील (Land Records Office Bribery) भुकरमापक उमेश मधुकर राऊत व अविनाश नंदकिशोर गोरे या दोघांना बासंबा येथील शेत गट क्रमांक २५८ मधील शेत जमिनीची मोजणी करण्याकरीता ४ हजाराचा लाच घेताना त्यांच्याच कार्यालयात एसीबीच्या पथकाने रंगेहात पकडले होते. या प्रकरणात २२ मे रोजी हिंगोली शहर पोलिसात गुन्हा दाखल झाला. त्यांना २३ मे रोजी न्यायालयात हजर केले असता तीन दिवस पोलिस कोठडी सुनावली होती.
मुदत संपल्याने न्यायालयात हजर केले असता १४ दिवसाची न्यायालयीन कोठडी सुनावली होती. यावेळी दोन्ही आरोपींच्या जामीनसाठी न्यायालयात अर्ज दाखल केला असता त्यावर २८ मे रोजी सुनावणी ठेवली होती. परंतु हि सुनावणी आता १ जून रोजी होणार आहे. त्यामुळे दोन्ही लाचखोरांना जामीनसाठी आणखी काही दिवसाची प्रतिक्षा करावी लागणार आहे.
