माता साहेब गुरुद्वारा परिसरातील घटनेनंतर हल्लेखोरांचा शोध सुरू; हल्ल्याचे कारण अद्याप अस्पष्ट
महाराष्ट्रातील नांदेडमध्ये शिरोमणी अकाली दलाचे अध्यक्ष आणि पंजाबचे माजी उपमुख्यमंत्री सुखबीरसिंग बादल यांच्यावर प्राणघातक हल्ला झाल्याची घटना समोर आली आहे. नांदेड शहराजवळील माता साहेब गुरुद्वारा परिसरात हा प्रकार घडला. हल्ल्यात जखमी झाल्यानंतर बादल यांना उपचारासाठी खासगी रुग्णालयात दाखल करण्यात आले आहे.
पंजाबचे माजी उपमुख्यमंत्री सुखबीरसिंघ बादल हे नांदेड दौर्‍यावर आले असता त्यांच्यावर गुरुवारी दुपारी १.५० च्या सुमारास खंजरने हल्ला करण्यात आला. या हल्ल्यात त्यांच्या हाताला गंभीर दुखापत झाली आहे. त्यांच्यावर नांदेड येथील यशोसाई रुग्णालयात उपचार सुरू आहेत.
पंजाबचे माजी उपमुख्यमंत्री सुखबीरसिंह बादल हे नांदेड जिल्हा दौर्‍यावर आले आहेत. गुरुवारी दुपारी ते गुरुद्वारा मातासाहेब देवाजी मुगट ता. मुदखेड येथील दर्शन घेऊन पायर्‍याने खाली येत असताना त्यांच्यावर एका शिख सेवादाराने त्याच्या हातातील खंजर मारून त्यांना जखमी केले आहे.
VIDEO | Maharashtra: Shiromani Akali Dal president Sukhbir Singh Badal has been taken to a hospital after he was reportedly attacked inside a Gurudwara in Nanded. More details awaited.
— Press Trust of India (@PTI_News) August 13, 2026
(Source: Third Party)
(Full video available on PTI Videos - https://t.co/d8jp61yd2p) pic.twitter.com/RvZkrc0nNv
दरम्यान बादल त्यांच्या सोबत सुरक्षेसाठी असलेले एसपीयुचे पोलिस निरीक्षक संतोष केंद्रे हे त्यांच्या बचावासाठी धावुन गेले असता त्यांच्या हाताला सुद्धा जखम झाली आहे. त्यांच्यावर यशोसाई रुग्णालय येथे उपचार सुरू असून दोघांचीही प्रकृती चांगली आहे. हल्ला करणार्‍या सेवादारास पोलिसांनी ताब्यात घेतले असून पुढील कायदेशीर कारवाई सुरू आहे.
नांदेडचे जिल्हाधिकारी राहुल कर्डिले, पोलिस उपमहानिरीक्षक शहाजी उमाप, पोलिस अधिक्षक डॉ .निलाभ रोहण यांनी रुग्णालयास भेट देऊन बादल यांच्या प्रकृतीची चौकशी केली आहे. यावेळी रुग्णालय परिसरात मोठा पोलीस बंदोबस्त ठेवण्यात आला आहे.
