स्वच्छता व पर्यावरणपूरक कार्यक्रम मोठ्या उत्साहात!
मानोरा (Environmental Conservation) : “स्वच्छता हीच सेवा” या घोषवाक्याला साजेसा उपक्रम मातोश्री सुभद्राबाई पाटील कला, विज्ञान व कै. पांडुरंगजी ठाकरे वाणिज्य महाविद्यालयात (Pandurangji Thackeray College of Commerce) राबविण्यात आला. महाविद्यालयाच्या परिसरात एकदिवसीय स्वच्छता व पर्यावरणपूरक कार्यक्रम मोठ्या उत्साहात पार पडला.
प्लास्टिक निर्मूलन, वृक्षारोपण तसेच पर्यावरण संवर्धनाबाबत मार्गदर्शन!
या उपक्रमाचे औचित्य विशेष ठरले. यावर्षी ‘तरुण भारत’ शताब्दी वर्ष तसेच नरकेसरी प्रकाशन संस्थेचे अमृत महोत्सवी वर्ष (Amrit Jubilee Year) साजरे होत असल्याने विद्यापीठाच्या राष्ट्रीय सेवा योजना विभागाच्या मार्गदर्शनाखाली हा उपक्रम राबविण्यात आला. या दिवशी विद्यार्थ्यांनी (Students) महाविद्यालय परिसरात स्वच्छता मोहीम राबवली. प्लास्टिक निर्मूलन, वृक्षारोपण तसेच पर्यावरण संवर्धनाबाबत (Environmental Conservation) मार्गदर्शन करण्यात आले. विद्यार्थ्यांमध्ये प्रचंड उत्साह असून त्यांनी स्वच्छता आणि हरित परिसराचा संकल्प व्यक्त केला. कार्यक्रमाच्या यशस्वी आयोजनासाठी NSS कार्यक्रम (NSS Programme) अधिकारी डॉ. किशोर कोपरकर, महिला कार्यक्रम अधिकारी प्रा. स्नेहल ढवळे यांनी विशेष परिश्रम घेतले. महाविद्यालयाचे प्राचार्य डॉ. एन. एस. ठाकरे यांनी विद्यार्थ्यांना मार्गदर्शन करताना सांगितले की, “स्वच्छता व पर्यावरण संवर्धन ही आजची तातडीची गरज आहे. तरुणाईने पुढाकार घेतल्यास समाजात निश्चितच सकारात्मक बदल घडेल,” असे मत व्यक्त केले.
