तेल्हारा येथे खरीप हंगामपूर्व शेतकरी मार्गदर्शन कार्यक्रम

चिखली (Farmer Guidance Camp) : मौजे तेल्हारा ता. चिखली येथे खरीप हंगाम 2026 पूर्व शेतकरी मार्गदर्शन कार्यक्रमाचे आयोजन गुरुवार, 8 मे रोजी सकाळी 9 वाजता कृष्ण मंदिर सभामंडप येथे करण्यात आले. कार्यक्रमाला परिसरातील मोठ्या संख्येने शेतकरी बांधव उपस्थित होते. या मार्गदर्शन कार्यक्रमात कृषी विज्ञान केंद्र बुलढाणा येथील कीटक शास्त्रज्ञ मा. श्री प्रवीण देशपांडे, तालुका कृषी अधिकारी श्री अशोक सुरडकर, मंडळ कृषी अधिकारी श्री कपिल कंकाळ, उप कृषी अधिकारी श्री दीपक गवते, सहाय्यक कृषी अधिकारी श्रीमती वैशाली रिंढे, श्रीमती अर्चना वाकोडे, श्रीमती सीमा बाहेकर तसेच ग्राम महसूल अधिकारी इंदू शेजोळ यांनी शेतकऱ्यांना सविस्तर मार्गदर्शन केले.

कार्यक्रमात खरीप हंगामाच्या पार्श्वभूमीवर हुमणी अळी नियंत्रणासाठी तातडीने करावयाच्या उपाययोजना, सोयाबीनसाठी घरच्या बियाण्यांचा वापर, बीजप्रक्रियेचे महत्त्व व प्रत्यक्ष प्रात्यक्षिक, कमी कालावधीत परिपक्व होणाऱ्या सोयाबीन वाणांची निवड, घरच्या घरी बियाण्यांची उगवण क्षमता तपासणी, बीबीएफ पद्धतीने पेरणीचे फायदे-तोटे तसेच विविध पिकांसाठी संतुलित व शिफारशीत खत व्यवस्थापन याबाबत माहिती देण्यात आली.

तालुका कृषी अधिकारी श्री अशोक सुरडकर यांनी शेतकऱ्यांना भाऊसाहेब फुंडकर फळबाग लागवड योजना, पोखरा अंतर्गत फळबाग लागवड तसेच महात्मा गांधी ग्रामीण रोजगार हमी योजनेअंतर्गत आंबा व इतर फळपिकांची लागवड मोठ्या प्रमाणावर करण्याचे आवाहन केले. तसेच बीबीएफ प्लांटरसाठी ऑनलाइन अर्ज करण्याबाबतही माहिती दिली.
कार्यक्रमाचे आभार प्रदर्शन सहाय्यक कृषी अधिकारी श्रीमती वैशाली रिंढे यांनी केले.

यावेळी अभिमन्यू कुटे, मनोज कुटे, शिवाजी पानझाडे, रुपराव कुटे, दिलीप गाडेकर, भास्करराव कुटे, समाधान गाडेकर, कैलास कुटे, विशाल पानझाडे, आनंदा कुटे, अशोक गाडेकर, भीमराव कुटे, मधुकर कुटे, सतीश गव्हले, दत्तात्रेय कुटे, रुस्तुम कुटे, शेख रशीद, दिनकर कुटे, श्रीकृष्ण गवले, नंदकिशोर कुटे, अर्जुन कुटे, आत्माराम चवरे, मदन साने, दिलीप खंबायतकर, रतन कुटे, दामोदर कुटे, प्रभाकर ठोंबरे, संजय कुटे, रामदास कुटे यांच्यासह बहुसंख्य शेतकरी उपस्थित होते.