पिकेही आली पाण्याखाली
मानोरा (Heavy Rains) : तालुक्यातील मौजे हिवरा बु परिसरात दि. १८ ते २० ऑगस्ट रोजी पर्यंत झालेल्या संततधार मुसळधार पावसाने नाल्याकाठी असलेली शेती पाण्याखाली आली असुन बांधकाम केलेली (Heavy Rains) सिंचन विहिर पूर्णपणे खचल्याने शेतकरी गुणवंत पांडुरंग इंगळे यांचे आर्थिक नुकसान झाले आहे.
मौजे हिवरा बु शिवारातील गट नं. १२२ मध्ये ५० फूट खोल व २२ फूट रुंदीची सिंचन विहीर आहे. शेतातील सिंचन विहीर पूर्णपणे खचून गेली असुन शेतात पाणी साचल्याने पिके पाण्याखाली आली आहेत. हिवरा बु परिसरात दि. १८ ऑगस्ट ते २० ऑगस्ट पर्यंत (Heavy Rains) ढगफुटी सदृश्य मुसळधार पावसाने कहर केला. या संततधार पावसाने नाल्या लगत असलेली पिके पाण्याखाली आली असून या नैसर्गिक हानीत शेतकऱ्यांचे मोठे आर्थिक नुकसान झाले असल्याने तात्काळ पंचनामा करून शासनाची आर्थिक नुकसान भरपाई देण्याची मागणी पिडीत शेतकरी कुटुंबाकडून करण्यात आली आहे.
