कारंजा (Karanja suicide Case) : मागील काही दिवसांपासून कारंजा शहरासह ग्रामीण भागात विष प्राशन करून आणि गळफास लावून आत्महत्येचा प्रयत्न करण्याच्या घटनात मोठी वाढ झाली असतानाच 6 जुलै रोजी कारंजा शहरात अशाच प्रकारच्या पुन्हा दोन घटना घडल्या. या (Karanja suicide Case) घटनात एकीने विष प्राशन करून तर दुसरीने फिनाइल प्राशन करून आत्महत्या करण्याचा प्रयत्न केला. यातील पहिली घटना 6 जुलै रोजी सकाळी साडे 11 वाजता च्या दरम्यान घडली.
या (Karanja suicide Case) घटनेत एका 32 वर्षीय महिलेने विष प्राशन करून आत्महत्या करण्याचा प्रयत्न केला. तर दुसऱ्या घटनेत त्याच दिवशी रात्री साडे 8 वाजताचे दरम्यान एका 11 वर्षीय मुलीने फीनाईल प्राशन करून आत्महत्या करण्याचा प्रयत्न केला. या दोन्ही घटना नंतर कुटुंबीयांनी उपचारासाठी त्यांना उपजिल्हा रुग्णालयात दाखल केले. परंतु उपचारादरम्यान प्रकृती गंभीर असल्याचे निदर्शनास आल्याने पहिल्या घटनेतील महिलेला उपचारासाठी अकोला येथे पाठविण्यात आले तर दुसऱ्या घटनेतील मुलीवर उपचार सुरू असल्याची माहिती रुग्णालयातील नोंदीवरून प्राप्त झाली आहे.
