मुंबई (Maharashtra hit and run) : पुण्यातील पोर्शेच्या अपघातात (hit and run Case) ठार झालेल्या दोन तरुणांच्या कुटुंबीयांना महाराष्ट्राचे मुख्यमंत्री एकनाथ शिंदे यांनी आर्थिक मदत केली आहे. मुख्यमंत्री शिंदे (CM Eknath Shinde) यांनी अपघातात मृत्युमुखी पडलेल्या दोन तरुणांच्या कुटुंबीयांची भेट घेऊन प्रत्येकी 10 लाख रुपयांचा धनादेश सुपूर्द केला. (Porsche hit and run Case) पुण्यातील पोर्शे हिट अँड रन प्रकरणात 24 वर्षीय अनिश अवडिया आणि मध्य प्रदेशातील अश्विनी कोष्टा यांचा मृत्यू झाला होता. हे दोघेही आयटी प्रोफेशनल होते. महाराष्ट्रात ही दुर्घटना घडल्याने राज्य सरकारने ही विशेष भरपाई जाहीर केली होती.
महाराष्ट्राचे मुख्यमंत्री CM शिंदे (CM Eknath Shinde) यांनी आपले आश्वासन पूर्ण केले असून, कुटुंबातील सदस्यांना प्रत्येकी 10 लाख रुपयांचा धनादेश देण्यात आला. मुख्यमंत्र्यांनी दोन्ही तरुणांच्या कुटुंबीयांची त्यांच्या निवासस्थानी भेट घेतली. मुख्यमंत्र्यांनी या कुटुंबाप्रती शोक व्यक्त केला. या कठीण काळात मुख्यमंत्री सहायता निधीतून मिळणारी आर्थिक मदत त्यांना मदत करेल, असे सांगितले.
मुंबई उच्च न्यायालयाने (Porsche hit and run Case) अपघातात सहभागी असलेल्या तरुणाच्या सुटकेचे आदेश दिले असले तरी, न्याय लवकर मिळावा, यासाठी राज्य सर्वतोपरी प्रयत्न करेल, असेही मुख्यमंत्री शिंदे (CM Eknath Shinde) यांनी या घटनेत ठार झालेल्या तरुणाच्या पालकांना सांगितले. कायदेशीर प्रक्रिया जलद करण्यासाठी, या प्रकरणाची सुनावणी जलदगती न्यायालयात केली जाईल, असे CM शिंदे यांनी सांगितले.
