रांची (NEET PaperLeak Protest) : झारखंडमध्ये स्पर्धा परीक्षा पेपरफुटी प्रकरणी पुकारलेले आंदोलन तीव्र झाले असून, आंदोलनकर्त्यांनी आज विधानसभा भवनाच्या दिशेने मार्च सुरु केला आहे. ‘विधानसभा घेराव’ मार्चच्या पार्श्वभूमीवर पोलिसांनी उभारलेले बॅरिकेड्स ओलांडून विधानभवनाच्या दिशेने मार्च सुरुच ठेवल्यानंतर (NEET PaperLeak Protest) आंदोलकांना रोखण्यासाठी पोलिसांकडून लाठीचार्ज करण्यात आला आहे. गर्दी पांगविण्यासाठी पोलिसांनी वॉटर कॅनन आणि अश्रूधुरांच्या नळकांड्यांचा देखील वापर केला.
हजारो विद्यार्थी, तरुण सहभागी
मार्चमध्ये सहभागी होण्यासाठी (NEET PaperLeak Protest) झारखंडमधून हजारो विद्यार्थी राजधानी रांचीमध्ये दाखल झाले आहेत. दुसरीकडे भाजपा नेत्यांनी मुख्यमंत्र्यांच्या निवासस्थानासमोर ठिय्या आंदोलन सुरु केल्यानंतर काही नेत्यांनी पोलिसांनी ताब्यात घेतले आहे. झारखंड लोकसेवा आयोग आणि झारखंड स्टाफ सिलेक्शन परीक्षांमध्ये घोटाळा आणि पेपरफुटीप्रकरणी गेल्या काही दिवसांपासून विद्यार्थी आंदोलन करत होते.
विधानभवनाच्या दिशेने मोर्चा
झारखंड लोकसेवा आयोगाच्या परीक्षेसह इतर सरकारी परीक्षांमध्ये पेपरफुटी झाल्याचा गंभीर आरोप करत गेल्या काही दिवसांपासून आंदोलन केले जात आहे. (NEET PaperLeak Protest) परीक्षा पद्धतीत सुधारणा करण्यासह विविध मागण्यांसाठी विद्यार्थी रस्त्यावर उतरले आहेत. या आंदोलनाचा भाग म्हणून आज हजारो विद्यार्थ्यांनी विधानभवनाच्या दिशेने मोर्चा काढला आहे. रांचीमधील कायदा आणि सुव्यवस्था विचारात घेता पोलिसांनी अनेक संवेदनशील ठिकाणी बॅरिकेड्स उभारले आहेत. तसेच, महत्वाचे रस्ते, चौकात मोठा पोलिस बंदोबस्तही तैनात करण्यात आला आहे.
