फरार आरोपींचा पोलिसांकडून शोध
देशोन्नती वृत्तसंकलन
अकोला () : एका अल्पवयीन मुलीवर सामूहिक अत्याचार केल्याची घटना शहरातील जुने शहर पोलिस ठाणे (Akola City Police) हद्दीत घडली असल्याचे उघडकीस आले आहे. या प्रकरणात मैत्रिणीनेच मैत्रिणीचा विश्वासघात करून अनैतिक व्यवसायात ढकलण्याचा प्रयत्न केल्याचे समोर आले आहे.
अल्पवयीन पीडित मुलगी (Minor girl rape Case) ही दहावीच्या शिक्षणासाठी अकोल्यात वास्तव्यास आहे. यादरम्यान तिची मैत्री आरोपी युवतीसोबत झाली आणि आरोपी युवतीने पीडित मुलीची मैत्री आपल्या तीन मित्रांसोबत करून दिली. पीडित मुलीचा वाढदिवस साजरा करण्यासाठी तिला एका ठिकाणी बोलाविण्यात आले. यानंतर या आरोपींनी शीतपेयच्या नावाने पीडितेला गुंगीचे पेय पाजण्यात आले. त्यानंतर दोन आरोपींनी तिच्यावर सामूहिक अतिप्रसंग केला. आरोपी युवती आणि तिच्या साथीदाराने याची चित्रफीत तयार केली. या गोष्टीची वाचा कुठे फोडल्यास हा व्हिडिओ व्हायरल करणार, अशी धमकी पीडितेला दिली.
यानंतर पीडित मुलीला (Minor girl rape Case) आरोपींनी वारंवार फोन करून अनैतिक व्यवसायात ढकलण्याचा प्रयत्न सुरू केला. मात्र, मुलीने हा प्रयत्न धुडकावून लावला. दरम्यान, बुधवारी पीडित मुलीने जुने शहर पोलिस ठाणे गाठून, पोलिसांना आपबिती सांगितली. (Minor girl rape Case) मुलीने दिलेल्या तक्रारीवरून जुने शहर पोलिसांनी या प्रकरणातील आरोपी लल्ला इंगळे, बंटी सटवाले, एक युवती आणि चिक्की नावाचा आणखी एक अशा चारही आरोपींविरुद्ध पोक्सोसह विविध कायद्याच्या कलमान्वये गुन्हे दाखल केले.
व्हिडिओ व्हायरल करण्याची दिली धमकी
युवती अटकेत, तीन फरार आरोपींचा शोध जारी (Akola City Police) पोलिसांनी यातील आरोपी युवतीला अटक केली आहे. तर फरार तिन्ही आरोपींचा शोध पोलिस घेत आहेत. अटकेतील आरोपीला न्यायालयासमोर हजर केले असता, पाच दिवस पोलिस कोठडीत ठेवण्याचा आदेश न्यायालयाने दिला असल्याची माहिती (Akola City Police) जुने शहर पोलिस ठाण्याचे ठाणेदार नितीन लेव्हरकर यांनी दिली.
