भंडारा (Bhandara):- नुकत्याच घाटकोपर मुंबई येथे होर्डिंग (Hoarding) कोसळून झालेल्या अपघातात १६ निष्पाप लोकांचा जीव गेला व शंभरहून अधिक लोक गंभीर जखमी झालेले आहेत. पण तुमसर शहर व परिसरात असे होर्डिंगचे अपघात टाळण्याकरिता नगरपरिषद (municipal council) प्रशासनातर्फे कोणतीही कार्यवाही झाल्याचे दिसून येत नाही.
तुमसर शहरात व तुमसर ते भंडारा आणि तुमसर (tumsar)ते गोंदिया(gondia) मार्गावर अनेक महाकाय होर्डिंग उभे आहेत. सदर होर्डिंगची अवस्था अतिशय दयनीय झाली असून त्यातील काही होर्डिंग कोसळण्याच्या स्थितीत आहेत. काही होर्डिंगना परवानगी नसून ते अनधिकृत असल्याची माहिती पुढे आली आहे. सदर होर्डिंग कोसळल्यास घाटकोपर मुंबई सारखी भीषण दुर्घटना(terrible accident) होऊन निष्पाप लोकांचा बळी जाण्याची शक्यता नाकारता येत नाही. यात नगरपरिषद प्रशासन काय कारवाई करते याकडे सर्वांचे लक्ष लागले आहेत.
