ISIS ने दिली धमकी, FIR दाखल
नवी दिल्ली (Pahalgam Terror Attack): जम्मू आणि काश्मीरमधील पहलगाम येथे झालेल्या दहशतवादी हल्ल्याच्या (Pahalgam Terror Attack) पार्श्वभूमीवर, भारतीय क्रिकेट संघाचे मुख्य प्रशिक्षक आणि माजी भाजप खासदार गौतम गंभीर (Gautam Gambhir) यांना जीवे मारण्याची धमकी देण्यात आली आहे. गंभीरच्या कार्यालयाने बुधवारी ही माहिती दिली. जी देशाच्या सुरक्षा व्यवस्थेच्या दृष्टीने अत्यंत गंभीर मानली जात आहे.
गौतम गंभीरला ‘ISIS Kashmir’ च्या नावाखाली जीवे मारण्याच्या धमक्या मिळाल्या आहेत. त्यांनी दिल्ली पोलिसांशी संपर्क साधला आणि या प्रकरणी औपचारिक तक्रार (FIR) दाखल केली आणि त्यांच्या कुटुंबाच्या सुरक्षेसाठी ठोस पावले उचलण्याची मागणी केली.
Former BJP MP and current head coach of the Indian cricket team, Gautam Gambhir, received a death threat from 'ISIS Kashmir'. On Wednesday, he approached the Delhi Police, filing a formal complaint for an FIR and seeking measures to safeguard his family’s security: Office of… pic.twitter.com/MEG26UIwFh
— ANI (@ANI) April 24, 2025
गंभीर (Gautam Gambhir) यापूर्वीही सुरक्षेच्या कारणास्तव चर्चेत आला होता. पण यावेळी तो एका (Pahalgam Terror Attack) दहशतवादी संघटनेकडून धोका आहे. ज्यामुळे केवळ तोच नाही तर त्याचे संपूर्ण कुटुंब घाबरले आहे. आता हे पाहणे बाकी आहे की, पोलिस आणि सुरक्षा संस्था या धोक्याला किती गांभीर्याने घेतात आणि कोणत्या पातळीवर कारवाई केली जाते.
22 एप्रिल 2025 रोजी, जम्मू आणि काश्मीरमधील पहलगाम येथील बैसरन व्हॅलीमध्ये झालेल्या दहशतवादी हल्ल्यात मृतांची संख्या 28 झाली आहे. ज्यामध्ये 25 भारतीय नागरिक, 2 स्थानिक रहिवासी आणि 1 परदेशी नागरिकाचा समावेश आहे. या (Pahalgam Terror Attack) हल्ल्यात 20 हून अधिक लोक जखमी झाले आहेत. पाकिस्तानस्थित लष्कर-ए-तैयबाशी संलग्न असलेल्या रेझिस्टन्स फ्रंट (TRF ने या हल्ल्याची जबाबदारी स्वीकारली आहे.
या (Pahalgam Terror Attack) हल्ल्यानंतर भारत सरकारने अनेक कडक उपाययोजना केल्या आहेत. ज्यात पाकिस्तानसोबतची मुख्य भूमी सीमा बंद करणे समाविष्ट आहे. याशिवाय, सिंधू पाणी करार स्थगित करण्यात आला आहे. तसेच, इस्लामाबादमधून भारतीय राजदूतांना परत बोलावण्यात आले आहे.
