परभणी शहरातील गांधी पार्क मधील घटना नानलपेठ पोलिसात गुन्हा दाखल..!
परभणी (Parbhani Crime) : दुकानात दागिने खरेदीसाठी आलेल्या अनोळखी ग्राहकांनी दुकानातील कामगाराचे लक्ष विचलित करत हातचलाखीने दुकानातून १ लाख २० हजार रुपये किंमतीचे सोन्याचे दागिने चोरले. ही (Parbhani Crime) घटना परभणी शहरातील गांधी पार्कात असलेल्या आत्माराम बाबुराव शहाणे या नावाच्या सराफा दुकानात घडली. सदर प्रकरणी १९ जुनला नानलपेठ पोलीस ठाण्यात गुन्हा दाखल करण्यात आला आहे.
राजेश शहाणे यांनी तक्रार दिली आहे. १० जुनला दुपारी साडे बाराच्या सुमारास दोन महिला, एक पुरुष त्यांच्या दुकानात आले. त्यांनी सोन्याचे झुंबर, फुल दाखविण्याची मागणी केली. यावेळी (Parbhani Crime) दुकानातील कामगाराने संबंधितांना दागिने दाखविले दागिन्याची पाहणी करत असताना कामगाराची नजर चुकवून आरोपींनी झुंबराचे जोड, फुलाचे जोड, असे एकूण १ लाख २० हजाराचे दागिने चोरले. दागिने दोरीला गेल्याचे लक्षात आल्यावर या प्रकरणी नानलपेठ पोलीस ठाण्यात गुन्हा नोंदविण्यात आला आहे. पोलीस अधिक तपास करत आहेत.
