परभणी (Pabhani):- बालवाडीत शिकणार्‍या एका ५ वर्षीय मुलीवर शाळेतील स्वच्छतागृहात अत्याचार (torture) करण्यात आल्याची घटना सोनपेठ शहरातील एका इंग्रजी शाळेमध्ये घडली. मुलीची प्रकृती खालावल्याने तीला रूग्णालयात नेले असता सदर प्रकार पुढे आला. या प्रकरणी ७ ऑक्टोबरला सोनपेठ पोलीस ठाण्यात पोक्सो(POCOSO) व इतर कलमाखाली आरोपीवर गुन्हा नोंद झाला आहे.
परभणीतील सोनपेठ शहरातील इंग्रजी स्कूलमधील घटना
याबाबत पिडीत मुलीच्या आईने तक्रार दिली आहे. अल्पवयीन मुलगी एलआरके इंग्लीश स्कूलमध्ये बालवाडीला शिकण्यास आहे. ५ ऑक्टोबरला सायंकाळी शाळा सुटल्यावर मुलगी घरी आली. मुलीला सरळ बसता येत नव्हते. आईने चौकशी केल्यावर पिडितेच्या अंकावर ओरखडल्याचे दिसून आले. त्यानंतर मुलीला रूग्णालयात नेण्यात आले. या ठिकाणी डॉक्टरांनी तपासणी केल्यावर मुलीवर अत्याचार झाल्याचे पुढे आले. त्यानंतर सोनपेठ पोलीस ठाणे गाठत एकावर गुन्हा दाखल करण्यात आला. तपास सपोनि चव्हाण तपास करत आहेत. घटनेची माहिती समजताच अप्पर पोलीस अधिक्षक यशवंत काळे, उपविभागीय पोलीस अधिकारी पाटील, पोनि.बोलमवाड यांनी घटनास्थळी धाव घेतली. आरोपीचा शोध घेतल्या जात आहे.
