Washim crime :- मंगरूळपीर तालुक्यातील एका गावात अल्पवयीन मुलीनी दि. 12 रोजी सायंकाळी सहा वाजताच्या दरम्यान गळफास घेऊन आत्महत्या (Suicide) केली आहे. याप्रकरणी पोलिसांनी तिघाविरुद्ध विविध कलमानुसार गुन्हा दाखल केला असून दोन आरोपींना दिनांक 13 जुलै च्या रात्री अटक केली असून एक फरार आहे. दोघांना 14 ते 16 पर्यंत पोलीस कस्टडीत आहे.
POCSO अंतर्गत गुन्हा दाखल
पोलिसांनी दिलेल्या माहितीनुसार फिर्यादी वडिल यांनी फिर्यादीत असे नमूद केले की,आरोपी आतिश चवरे ,अमोल टोणे व एक अज्ञात फरार यांनी फिर्यादीच्या मुलीस आमच्या सोबत बोल नाही बोलली तर तुझ्या आई-वडिलांना भावांना जीवाने मारून टाकीन अशी धमकी देत होते. याशिवाय तुमचे १० घरे आहेत असे म्हणत जातीवाचक शिवीगाळ (Abusing) केली, अशा त्रासापायी मुलीने राहत्या घरी गळफास घेऊन आत्महत्या केली. याप्रकरणी पोलिसांनी कलम 74 , 78, 108, 35/(२) (३) बी एन एस कलम १२ पोक्सो (POCSO) कलम ३(१) ॲट्रॉसिटी ॲक्ट कायद्यांतर्गत गुन्हा दाखल केला केला होता. याप्रकरणी दोन आरोपींना अटक करून तीन दिवसाची पोलीस कस्टडीत असून पुढील तपास उपविभागीय पोलीस अधिकारी नवदीप अग्रवाल त्यांच्या मार्गदर्शनाखाली ठाणेदार किशोर शेळके करीत आहे.
