नवी दिल्ली (Vaibhav Suryavanshi) : इंग्लंडविरुद्ध सुरू असलेल्या 19 वर्षांखालील कसोटी सामन्यात भारताच्या (Vaibhav Suryavanshi) वैभव सूर्यवंशीने पुन्हा एकदा चमत्कारीक कामगिरी केली आहे. फलंदाजीनंतर आता तो चेंडूनेही इतिहास रचत आहे. केवळ 14 वर्षे 107 दिवसांच्या वयात वैभवने युवा कसोटी क्रिकेटमध्ये विकेट घेणारा (All-time Indian record) सर्वात तरुण भारतीय खेळाडू होण्याचा विक्रम केला आहे.
वैभव सूर्यवंशीने केली मोठी कामगिरी
इंग्लंडच्या 19 वर्षांखालील संघाचा कर्णधार हमजा शेखला 84 धावांवर बाद करून त्याने ही मोठी कामगिरी केली. विशेष म्हणजे, त्याने फुल टॉस बॉलवर ही विकेट घेतली, ज्याचा झेल हेनिल पटेलने घेतला. यापूर्वी हा विक्रम झारखंडच्या मनीषीच्या नावावर होता, ज्याने 2019 मध्ये दक्षिण आफ्रिकेविरुद्ध वयाच्या 15 व्या वर्षी पहिली युवा कसोटी विकेट घेतली होती.
असे करणारा तो जगातील तिसरा खेळाडू
वैभवने (Vaibhav Suryavanshi) हा भारतीय विक्रम मोडलाच नाही तर युवा कसोटी क्रिकेटमध्ये विकेट घेणारा जगातील तिसरा सर्वात तरुण खेळाडूही ठरला. हा सर्वात तरुण विक्रम पाकिस्तानच्या महमूद मलिकच्या नावावर आहे. ज्याने 1994 मध्ये 13 वर्षे 241 दिवसांच्या वयात न्यूझीलंडविरुद्ध विकेट घेतली होती. (Vaibhav Suryavanshi) वैभव सूर्यवंशीने केवळ गोलंदाजीतच नव्हे तर फलंदाजीतही चमत्कारीक कामगिरी केली आहे.
वैभवच्या फलंदाजीनेही रचला इतिहास
काही दिवसांपूर्वीच त्याने युवा एकदिवसीय क्रिकेटमध्ये सर्वात जलद शतक ठोकून सर्वांना आश्चर्यचकित केले. फक्त 52 चेंडूत शतक ठोकून त्याने पाकिस्तानच्या कामरान गुलामचा 53 चेंडूत शतक ठोकण्याचा विक्रम मोडला. कसोटी सामन्यात, जरी (Vaibhav Suryavanshi) वैभव पहिल्या डावात फक्त 14 धावा काढून बाद झाला असला तरी, त्याच्या इतर सहकारी फलंदाजांनी संघाला बळकटी दिली. कर्णधार आयुष म्हात्रेने 102 धावांची शानदार खेळी केली. त्यानंतर विहान मल्होत्रा (67), अभिज्ञान कुंडू (85) आणि राहुल कुमार (70) यांनी भारताला पहिल्या डावात 540 धावांपर्यंत पोहोचवले.
