नवी दिल्ली (World Test Championship) : इंग्लंड क्रिकेट संघाचा स्टार फलंदाज जो रूटने (Joe Root) मुल्तानमध्ये पाकिस्तानविरुद्धच्या पहिल्या कसोटी सामन्याच्या दुसऱ्या दिवशी इतिहास रचला. वर्ल्ड टेस्ट चॅम्पियनशिप (WTC) मध्ये 5000 धावा करणारा रूट इतिहासातील पहिला फलंदाज ठरला. त्याने 54 चेंडूत दोन चौकारांच्या मदतीने 32 धावा केल्या. ही मोठी कामगिरी (World Test Championship) करण्यासाठी (Joe Root) रूटला सामन्यात 27 धावांची गरज होती आणि आता त्याच्याकडे 59 सामन्यांमध्ये 5005 धावा झाल्या आहेत. ऑस्ट्रेलियाचा मार्नस लॅबुशेन 3904 धावांसह दुसऱ्या स्थानावर आहे तर त्याचा देशबांधव स्टीव्ह स्मिथ 3484 धावांसह तिसऱ्या स्थानावर आहे.
जो रूट सचिन तेंडुलकरच्या जवळ
रूटने सचिन तेंडुलकरच्या (Sachin Tendulkar) सर्वाधिक कॅलेंडर वर्षांत 1000 पेक्षा जास्त कसोटी धावा करण्याच्या विक्रमाशी बरोबरी करण्यासाठी एक पाऊल पुढे टाकले.
बाबर आझमचे नाव टॉप-5 फलंदाजांमध्ये
वर्ल्ड टेस्ट चॅम्पियनशिपमध्ये (World Test Championship) सर्वाधिक धावा करणाऱ्या खेळाडूंच्या यादीत जो रूटचे (Joe Root) नाव आघाडीवर आहे. दुसऱ्या क्रमांकावर असलेल्या ऑस्ट्रेलियाच्या मार्नस लॅबुशेन यांच्यातील अंतर खूपच विस्तृत आहे. ऑस्ट्रेलियाचा स्टीव्ह स्मिथ 3486 धावांसह तिसऱ्या क्रमांकावर आहे. इंग्लंडचा कसोटी कर्णधार बेन स्टोक्स आणि पाकिस्तानचा माजी कसोटी कर्णधार बाबर आझम अनुक्रमे 3101 आणि 2755 धावांसह टॉप-5 मध्ये आहेत.
टॉप-10 फलंदाजांमध्ये रोहित शर्मा हा एकमेव भारतीय
वर्ल्ड टेस्ट चॅम्पियनशिपच्या टॉप-10 धावा करणाऱ्यांमध्ये एकमेव भारतीय म्हणून (Rohit Sharma) रोहित शर्माची उपस्थिती लक्षवेधी आहे. (World Test Championship) चॅम्पियनशिपमधील त्याच्या योगदानात 34 कसोटी सामन्यांच्या 58 डावांमध्ये 2594 धावांचा समावेश आहे. ज्यामुळे तो यादीत आठव्या स्थानावर आहे. या टॉप-10 यादीत ऑस्ट्रेलियन आणि इंग्लिश खेळाडूंचे वर्चस्व आहे. ज्यामध्ये ऑस्ट्रेलियाचे चार, इंग्लंडचे तीन आणि भारत, पाकिस्तान आणि श्रीलंकेचे प्रत्येकी एक खेळाडू आहे.
