लॉयडसचे व्यवस्थापकीय संचालक बी. प्रभाकरन यांनी दिले बाळाला आशिर्वाद
एटापल्ली (Kali Ammal Memorial Hospital) : तालुक्यातील हेडरी येथील लॉयड्स काली अम्मल मेमोरियल हॉस्पिटलमध्ये २०० व्या बाळाची प्रसूती नुकतीच नोंदविण्यात आली. हा क्षण गडचिरोली जिल्ह्याने लॉयड्स मेटल्सच्या मदतीने दुर्गम भागात आरोग्यसेवा पुरविण्यात गाठलेल्या एका मोठ्या टप्प्याचा साक्षीदार ठरला आहे.
लॉयड्स मेटल्स अँड एनर्जी लिमिटेडचे व्यवस्थापकीय संचालक बी. प्रभाकरन यांनी शुक्रवारी रुग्णालयाला भेट दिली आणि बाळाला आशीर्वाद दिले तसेच पालकांचे अभिनंदन केले. त्यांनी या प्रसंगी लॉयड्स (Kali Ammal Memorial Hospital) काली अम्मल मेमोरियल हॉस्पिटलमधील समर्पित डॉक्टर आणि कर्मचार्‍यांचेसुद्धा अभिनंदन केले.
दुर्गम भागात आरोग्यसेवा पुरवण्याच्या आमच्या भावनेच्या यशाचा आणि लॉयड्स काली अम्मल मेमोरियल हॉस्पिटलवर लोकांनी दाखवलेल्या विश्वासाचा उत्सव साजरा करण्याचा हा प्रसंग आहे. जेव्हा आम्ही हेडरी येथे हे रुग्णालय सुरू केले तेव्हा आम्हाला स्थानिक समुदायांच्या जीवनात सकारात्मक बदल घडवून आणायचा होता. आज आम्हाला आमच्या ध्येयात यशस्वी झाल्याचा आनंद आणि अभिमान आहे, असे ते म्हणाले.
एलकेएएम रुग्णालयाने २९ जानेवारी २०२४ रोजी रुग्णालयात पहिल्या बाळाचा जन्म साजरा केला होता. तेव्हापासून दीड वर्षात या रुग्णालयात २०० व्या बाळाची प्रसूती नोंदवली गेली आहे. या रुग्णालयात दरमहा सरासरी ११ हून अधिक बाळंतपणे होत आहेत. ही सकारात्मक कहाणी एटापल्ली तालुक्यातील एका दुर्गम भागात घडत आहे जिथे एलकेएएम हॉस्पिटल स्थानिक समुदायांसाठी वरदान ठरले आहे.
एलकेएएम हॉस्पिटलचे उद्घाटन लॉयड्स इन्फिनाइट फाउंडेशनने त्यांच्या कॉर्पोरेट सामाजिक दायित्व कार्यक्रमाअंतर्गत नोव्हेंबर २०२३ मध्ये केले होते. त्याच्या स्थापनेपूर्वी हेडरी आणि आसपासच्या परिसरातील ग्रामस्थांना वैद्यकीय सुविधांच्या तीव्र कमतरतेचा सामना करावा लागत होता. दर्जेदार आरोग्यसेवेची उपलब्धता अनेकांसाठी एक दूरचे स्वप्न होते. मात्र आता, एलकेएएम हॉस्पिटलमध्ये तज्ज्ञ डॉक्टर आणि सल्लागारांची एक समर्पित चमू प्रत्येक रुग्णाला सर्वोत्तम सेवा प्रदान करत असल्याचे दिसुन येत आहे.
३० खाटांच्या रूग्णालयाचा १०० खाटांच्या रूग्णालयात होणार विस्तार
अत्याधुनिक वैद्यकीय उपकरणांनी सुसज्ज असलेल्या ३० खाटांच्या या मल्टी-स्पेशालिटी रुग्णालयाचा विस्तार १०० खाटांच्या सुविधेत करण्याचा प्रस्ताव आहे .ज्यामध्ये अतिरिक्त आरोग्य सेवा विभागांचा समावेश असेल. (Kali Ammal Memorial Hospital) लॉयड्स मेटल्सतर्फे एलकेएएम हॉस्पिटलमध्ये येणार्‍या रुग्णांना मोफत वैद्यकीय सल्ला, औषधे, शस्त्रक्रिया, निवास आणि जेवण प्रदान केले जाते, हे येथे उल्लेखनीय. २०० व्या बाळाच्या पालकांनी बी. प्रभाकरन यांचे मनापासून आभार मानले. हेडरीसारख्या दुर्गम ठिकाणी एलकेएएम हॉस्पिटल स्थापन करण्याचा त्यांचा दूरदर्शी उपक्रम या समुदायासाठी परिवर्तनकारी ठरला आहे.
