हिंगोली (Swami Samarth Mandir) : हिंगोली शहरातील नाईक नगर भागातील दिंडोरी प्रणित श्री स्वामी समर्थ मंदिरामध्ये आज श्री स्वामी समर्थ महाराज यांचा प्रगट दिन मोठ्या उत्साहात आणि भक्तीमय वातावरणात साजरा करण्यात आला. या निमित्ताने मंदिरात विविध धार्मिक कार्यक्रमांचे आयोजन करण्यात आले होते.
महाआरतीने दुमदुमले मंदिर
प्रगट दिनाचे औचित्य साधून सकाळी श्रींच्या (Swami Samarth Mandir) मूर्तीचा अभिषेक व पूजन करण्यात आले. त्यानंतर आयोजित करण्यात आलेल्या विशेष महाआरतीमध्ये परिसरातील भाविकांनी मोठ्या संख्येने सहभाग नोंदवला. 'श्री स्वामी समर्थ' यांच्या जयघोषाने संपूर्ण नाईक नगर परिसर भक्तीत न्हाऊन निघाला होता.
भाविकांची अलोट गर्दी
या (Swami Samarth Mandir) सोहळ्याचे मुख्य आकर्षण म्हणजे आयोजित केलेला महाप्रसाद. दुपारच्या सत्रात दर्शनासाठी आणि महाप्रसादाचा लाभ घेण्यासाठी भाविकांनी मोठी गर्दी केली होती. यामध्ये महिला भाविकांचा मोठा सहभाग. पुरुष व बालकांनीही शिस्तबद्ध पद्धतीने महाआरती आणि प्रसादाचा आनंद घेतला.
भक्ती आणि सेवेचा संगम
मंदिरातील स्वयंसेवकांनी आणि उत्सव समितीने भाविकांची गैरसोय होऊ नये म्हणून चोख नियोजन केले होते. प्रगट दिनानिमित्त करण्यात आलेल्या फुलांच्या सजावटीमुळे मंदिराला अत्यंत प्रसन्न स्वरूप प्राप्त झाले होते. दिवसभर चाललेल्या या सोहळ्यामुळे नाईक नगर भागात चैतन्याचे वातावरण पाहायला मिळाले.
