हिवरा हनुमान मंदिरा जवळ घडली अपघाताची घटना
औंढा नागनाथ (Child accidental death) : औंढा नागनाथ ते हिंगोली जाणाऱ्या मार्गावर औंढा नागनाथ तालुक्यातील हिवरा येथील हनुमान मंदिराजवळ 2 एप्रिल गुरुवार रोजी हनुमान जयंती निमित्त आजी व मामा सोबत हिवरा येथील हनुमानाच्या दर्शनास आलेल्या एका सात वर्षीय बालकास अज्ञात वाहनाने धडक दिली.
या (Child accidental death) अपघातात त्याचा जागीच मृत्यू झाला. संग्राम बालाजी बोरगड वय सात वर्ष राहणार नहाद तालुका वसमत असे दुर्दैवी मृत्यू झालेल्या बालकाचे नाव आहे अपघाताची माहिती मिळताच पोलीस निरीक्षक जी.एस राहिरे, जमादार रविकांत हरकळ, किशोर पारीसकर, सुभाष जैताडे, शाहिद सय्यद,पप्पू चव्हाण, यांनी तात्काळ घटनास्थळी धाव घेतली मृत्यू झालेल्या बालकास औंढा नागनाथ येथील ग्रामीण रुग्णालयात आणण्यात आले अपघात प्रकरणी गुना नोंदीची प्रक्रिया सुरू होती.
