डि.एस. कदम यांच्या निवासस्थानी भेट देणार
पोलिस बंदोबस्त तैनात
परभणी (Dr. Pravin Togadia) : विश्व हिंदू परिषदेचे अध्यक्ष डॉ. प्रविण तोगडिया हे शुक्रवार, १० एप्रिल रोजी परभणी दौर्‍यावर येत असून सायंकाळी सुमारे ६.३० वाजता त्यांचे शहरात आगमन होणार आहे. त्यांच्या स्वागतासाठी शहरात विविध ठिकाणी तयारी सुरू असून पोलिसांचा कडेकोट बंदोबस्त तैनात करण्यात आला आहे.
विश्व हिंदू परिषदेचे अध्यक्ष डॉ. तोगडिया (Dr. Pravin Togadia) यांना ‘झेड प्लस’ दर्जाची सुरक्षा आहे. त्यांच्या दौर्‍याच्या पार्श्वभूमीवर परभणी जिल्हा पोलिस प्रशासन सतर्क झाले आहे. शहरातील प्रमुख मार्गांवर तसेच कार्यक्रमस्थळी कडेकोट बंदोबस्त तैनात करण्यात येणार असून वाहतूक व्यवस्थेतही काही बदल करण्यात येण्याची शक्यता आहे. डॉ. तोगडिया यांचे लातूर येथून मोटारीने शुक्रवार १० एप्रिल रोजी सायंकाळी ६.३० वाजता रवाना होणार आहे.
रात्री ९.३० वाजेदरम्यान त्यांचे परभणीत आगमन होणार असून शहरातील दत्त नगर येथे डि.एस. कदम यांच्या निवासस्थानी आगमन, भोजन व मुक्काम राहणार आहे. दुसर्‍या दिवशी शनिवार ११ एप्रिल रोजी सकाळी ९.४० वाजता दत्त नगर येथील वैजनाथ रेंगे यांच्या निवासस्थानी भेट देणार आहे. त्यानंतर डॉ. प्रविण तोगडिया (Dr. Pravin Togadia) हे हिंगोली जिल्ह्यातील कळमनुरी येथे मोटारीने रवाना होणार आहेत. दौर्‍याच्या अनुषंगाने कोणताही अनुचित प्रकार घडू नये यासाठी पोलिसांकडून व्यापक नियोजन करण्यात आले आहे.
