हिंगोली एसआरपी एफ कॅम्प जवळील घटना
हिंगोली (Hingoli youth suicide) : शहरातील प्रगती नगर कारवाडी भागातील एका उच्च शिक्षित २५ वर्षीय विद्यार्थ्याने गळफास घेऊन आत्महत्या केल्याची घटना शनिवारी घडली. एकुलत्या एक मुलाने आत्महत्या केल्याने कुटूंबीयावर मोठे संकट कोसळले आहे.
याबाबत पोलिस सुत्राकडुन मिळालेली माहिती अशी की, कळमनुरीतील सैनिकी शाळेमधील विलास उन्हाळे हे हिंगोली शहरातील प्रगती नगर कारवाडी भागामध्ये वास्तव्यास असून त्यांचा मुलगा राहुल विलास उन्हाळे (२५) हा नुकताच बी फार्मसी झाला होता. ६ जून रोजी सकाळी ९ वाजता त्याने जेवन केल्या नंतर बाहेर जातो असे म्हणुन घराबाहेर पडला होता. राज्य राखीव पोलिस बल गट क्र. १२ च्या व्यायाम शाळेजवळील एका झाडाला लटकलेल्या अवस्थेत (Hingoli youth suicide) मृतदेह जवानांना दिसून आला. त्याची माहिती हिंगोली शहर पोलिसांना देताच घटनास्थळी सपोउपनि संजय मार्के, गणाजी पोटे, गजानन मस्के, शेख अमजद, सोनटक्के यांच्या पथकाने धाव घेतली.
सदरील युवक राहुल उन्हाळे हा असल्याची खात्री झाल्या नंतर त्याच्या नातेवाईकांना बोलावून घेण्यात आले. ६ जून रोजी जिल्हा शासकीय रुग्णालयात शवविच्छेदन करण्यात आले. त्याच्यावर ७ जून रोजी सकाळी रिसाला बाजारातील पॉवर हाऊस स्मशानभुमीत अंत्यसंस्कार करण्यात आले. त्याच्या पश्च्यात आई, वडिल, एक बहिण, भाऊजी असा परिवार आहे. राहुल हा एकुलता एक मुलगा होता.
