हिंगोली तहसील कार्यालय ते अग्रसेन चौकातील रस्त्यावरील अतिक्रमण हटविले
हिंगोली (Hingoli Municipal Encroachment) : शहरात नगर पालिकेच्या वतीने रस्त्यावर झालेले अतिक्रमण हटविण्यासाठी संबंधीतांला सुचना देण्यात आल्या होत्या. मात्र त्यानंतरही अतिक्रमण काढण्यात आले नसल्याने ७ एप्रिल मंगळवार रोजी नगर पालिकेच्या वतीने अतिक्रमण हटविण्याची मोहीम हाती घेत तहसील कार्यालय ते अग्रसेन महाराज चौकापर्यंत रस्त्यावर झालेले
अतिक्रमण काढण्यात आले.
हिंगोली शहरात मुख्य रस्त्यावर काही भागात अतिक्रमण झाले आहे. हे (Hingoli Municipal Encroachment) अतिक्रमण काढण्यासाठी नगर पालिकेच्या वतीने अतिक्रमण धारकांना सुचना देण्यात आल्या होत्या. परंतु काही जणांनी रस्त्यावरचे अतिक्रमण काढलेच नाही. त्यानंतर मंगळवारी नगरपालिकेच्या वतीने अतिक्रमण हटविण्याची मोहीम हाती घेण्यात आली. हिंगोली तहसील कार्यालय ते अग्रसेन महाराज चौकापर्यंत रस्त्याच्या दुतर्फा झालेले अतिक्रमण हटविण्यात आले. यावेळी नगरपालिकेचे नगर रचनाकार प्रविण मुहेकर, नगर अभियंता प्रतीक नाईक, उपमुख्याधिकारी साबळे, सचिन पवार, स्वच्छता निरीक्षक आकाश देशमुख, पंडीत मस्के, इंजि. गजानन काळे तसेच बाळू बांगर आदींची उपस्थिती होती.
दरम्यान शहरातील इतरही
ठिकाणच्या रस्त्यावर झालेले अतिक्रमण (Hingoli Municipal Encroachment) हटविण्यात येणार आहे. ही मोहीम शहरात सुरुच राहणार आहे. त्यामुळे रस्त्यावर झालेले अतिक्रमण धारकांनी काढून घ्यावे अशा सुचना नगर पालिकेच्या वतीने अतिक्रमण धारकांना देण्यात आल्या आहेत. मंगळवारी अतिक्रमण हटविल्यानंतर बुधवारी देखील हि मोहीम नगर पालिकेच्या वतीने राबविण्यात येणार असल्याचे सांगण्यात आले.
