हिंगोली (Dog Attack) : कोषागार कार्यालयाच्या बाजूला कुत्र्यांच्या एका टोळीने वानराच्या पिल्लावर हल्ला केला होता. या (Dog Attack) हल्ल्यात पिल्लाच्या हात, पाय आणि पाठीवर गंभीर जखमा झाल्या होत्या. कुत्र्यांच्या भीतीने हे जखमी पिल्लू जवळच असलेल्या एका खोलीत शिरले होते.
ही बाब स्थानिक नागरिक प्रितेश राटनालू यांच्या निदर्शनास येताच त्यांनी तातडीने वन्यजीव व पर्यावरण संरक्षण संस्थेला माहिती दिली. माहिती मिळताच वन्यजीव व पर्यावरण संरक्षण संस्थेचे ओम जाधव, रामप्रसाद जाधव, सचिन भंडारी आणि सुफियान शेख यांनी घटनास्थळी धाव घेतली. डॉ. लक्ष्मणभाऊ यादव यांच्या साह्याने पिल्लावर तातडीने उपचार करण्यात आले. जखमा खोल असल्याने डॉक्टरांनी टाके मारून पिल्लाची प्रकृती स्थिर केली. या (Dog Attack) उपचाराचा संपूर्ण खर्च प्राणी मित्रांनी स्वतः उचलला. या संपूर्ण बचाव मोहिमेत
विभागीय वनाधिकारी डॉ. राजेंद्र नाळे, सचिन माने आणि वनपरिक्षेत्र अधिकारी मीनाक्षी पवार यांचे मोलाचे मार्गदर्शन लाभले.
