हिंगोली (Global anti-tobacco awareness) : जागतिक तंबाखू नकार दिवसाच्या पार्श्वभूमीवर जिल्हा सामान्य रुग्णालय, हिंगोली येथे आज तंबाखूविरोधी जनजागृतीपर स्वाक्षरी मोहिमेचे आयोजन करण्यात आले. 31 मे रोजी साजरा होणाऱ्या जागतिक तंबाखू नकार दिनानिमित्त जिल्ह्यात विविध जनजागृती कार्यक्रम राबविले जात आहेत.
जिल्हाधिकारी राहुल गुप्ता यांच्या प्रमुख उपस्थितीत झालेल्या या मोहिमेचे मार्गदर्शन शासकीय वैद्यकीय महाविद्यालयाचे अधिष्ठाता डॉ. श्रीचक्रधर मुंगल व जिल्हा शल्य चिकित्सक डॉ. नितीन तडस यांनी केले. रुग्णालयातील अधिकारी, कर्मचारी, रुग्ण तसेच त्यांच्या नातेवाईकांनी मोठ्या संख्येने सहभाग नोंदवत स्वाक्षरी केली व तंबाखूमुक्त तसेच निरोगी जीवन जगण्याचा संकल्प केला.
या (Global anti-tobacco awareness) प्रसंगी जिल्हाधिकारी राहुल गुप्ता यांच्यासह अधिष्ठाता डॉ. श्रीचक्रधर मुंगल, जिल्हा शल्य चिकित्सक डॉ. नितीन तडस, अतिरिक्त जिल्हा शल्य चिकित्सक डॉ. दिपक मोरे, बाल रोग तज्ञ डॉ. गोपाल कदम, डॉ. मनीष बगडिया, डॉ. फैसल सलीम खान, डॉ. निशांत मानका, डॉ. तापडिया, डॉ. संजय देशमुख, डॉ. किरण लोंढे, डॉ. आशिष अंभोरे यांच्यासह ज्ञानेश्वर चौधरी, अजय कटारे, मोरे, कुलदीप केळकर, कुलदीप कांबळे, आनंद साळवे, नितीन पांढरे, भारतभूषण रणवीर, नागोराव वाघमारे, राम गजरे, सचिन रुपूरकर, वसिम खान पठाण, अनिकेत बांगर, मंगेश गायकवाड, अरुण वैद्य, राजेश खंदारे, वाढावे, घोंगडे, वाघोळे, भाऊसाहेब पाईकराव, भीमराव पाईकराव, अनिल टिपरे, श्रीमती गिरी, बाळु बगाटे व इतर कर्मचारी, रुग्ण व नातेवाईक उपस्थित होते.
जागतिक तंबाखू नकार दिनाच्या (Global anti-tobacco awareness) निमित्ताने तंबाखू सेवनाचे दुष्परिणाम व त्यामुळे होणाऱ्या आजारांबाबत जनजागृती करणे हा या मोहिमेमागील मुख्य उद्देश होता. सहभागी झालेल्या सर्वांनी तंबाखू व तंबाखूजन्य पदार्थांपासून दूर राहून निरोगी आयुष्य जगण्याची शपथ घेतली.
