औंढा नागनाथ (Shri Nagnath Temple) : येथील आठवे ज्योतिर्लिंग श्री नागनाथ मंदिरात श्री नागनाथाच्या दर्शनासाठी मोठ्या संख्येने भाविक शिवभक्त दाखल होत असल्याने दिवसेंदिवस शिवभक्तांची गर्दी वाढत असून संस्थांकडूनही येथे भाविकांना सुविधा उपलब्ध करून देण्यात येत आहेत. दरम्यान गुरुवार दिनांक १६ जुलै रोजी श्रीनिवास अजमेरा,सविता अजमेरा तसेच गोविंद अजमेरा मनीषा अजमेरा यांच्या वतीने श्री नागनाथास सव्वा लाख बिल्वपत्र अर्पण करत पूजा अर्चना करत रुद्राअभिषेक केला. यावेळी अजमेरा परिवाराचे श्री नागनाथ संस्थांच्या वतीने शाल श्रीफळ व प्रसाद घेऊन सत्कार करण्यात आला.
रुद्रा अभिषेकाचे आवर्तन मंत्र मंदिराचे मुख्य पुजारी तुळजादास भोपी, बंडू भोपी, अभिजीत लोखंडे, महेश जोशी, निळकंठ देव, महेंद्र जोशी, यांच्यासह इतर पुरोहितानी म्हटले. यानंतर अजमेरा परिवाराचे मंदिर संस्थांकडून शाल श्रीफळ व प्रसाद देऊन सत्कार करण्यात आला. यावेळी मंदिराचे व्यवस्थापक सुरेंद्र डफळ, मंदिराचे मुख्य पुजारी तुळजादास भोपी,मंदिर सुरक्षा प्रमुख बबन सोनूणे,मंदिर कर्मचारी कृष्णा पाटील, गार्ड दसरथ राठोड, नितीन देशमुख,आकाश सोनूणे, यांच्यासह आनंद अजमेरा, रामेश्वर अजमेरा, संजय अजमेरा, कमल अजमेरा, विजय अजमेरा, पंकज अजमेरा, राजगोपाल मणिहार, शोभा लाहोटी, दत्तराव मिसाळ, मारुती वाघ,उद्धव मस्के, पायल अजमेरा, सुनीता अजमेरा, सुनंदा अजमेरा यांच्या सहभागी भक्त यांची उपस्थिती होती. दरम्यान आषाढी एकादशी निमित्त पंढरपूरच्या दिशेने निघालेले भाविक (Shri Nagnath Temple) औंढा नागनाथ येथील ज्योतिर्लिंग श्री नागनाथाचे दर्शन घेऊन मार्गस्थ होत असल्याने मंदिरात भाविकांची गर्दी वाढली आहे.
