हिंगोली शहर पोलिसांच्या अटी व शर्तीचे केले उल्लंघन
हिंगोली (Ram Navami procession) : शहरामध्ये राम नवमी निमित्ताने २६ मार्चला बँन्ड, ढोल ताशा व डिजेच्या निनादात भव्य दिव्य मिरवणूक काढण्यात आली होती. पोलिसांनी दिलेल्या परवान्यातील अटीचे व शर्तीचे उल्लंघन करून कर्णकर्कश डिजे वाजविल्याने ध्वनी प्रदूषण केल्या प्रकरणी हिंगोली शहर पोलिसात चौघांवर गुन्हा दाखल करण्यात आला आहे.
सध्या सन व उत्सव सुरू झाले आहेत. यामध्ये डिजेचा वापर करू नये, या संदर्भात पोलिस प्रशासनाकडून वारंवार सूचना दिल्या जात आहेत. २६ मार्च रोजी हिंगोली शहरातील छत्रपती शिवाजी महाराज चौकामधून राम नवमी निमित्ताने भव्य दिव्य मिरवणूक काढण्यात आली होती. या मिरवणूकीत घोडेस्वार, डिजे, बँन्ड, ढोल ताशा आदींचा वापर करण्यात आला होता. या मिरवणूक निमित्ताने पोलिसांनी दिलेल्या परवान्यातील अटी व शर्तीचे उल्लंघन करण्यात आले. त्यामुळे हिंगोली शहर पोलिसात गुरूवारी रात्रीच्या सुमारास संजय तोडेवाले यांनी रितसर तक्रार देण्यात आली.
ज्यामध्ये मिरवणूकीमध्ये (Ram Navami procession) डिजे वाद्याचा जोर जोराने आवाज केला जात असल्याने पोलिसांनी आवाज कमी करण्या करीता वारंवार सांगुनही त्याचा आवाज कमी न करता डिजे जोरात कर्णकर्कशपणे मर्यादीपेक्षा जास्त आवाजात वाजवून ध्वनी प्रदूषण केल्याने हिंगोली शहर पोलिसात वाहनचालक सागर बबन लोखंडे रा. एनटीसी हिंगोली, वाहन मालक रोहीत फकीरा पुरी, रा. तलाबकट्टा हिंगोली, मिरवणूकीचे अध्यक्ष व सदस्य महेश चक्रवार, अध्यक्ष लखन कुरील रा. गाडीपुरा हिंगोली या चौघावर पर्यावरण संरक्षण अधिनियम १९८६ यासह इतर कलमान्वये गुन्हा दाखल करण्यात आला. या प्रकरणाचा पुढील तपास पोटे हे करीत आहेत.
