सकल मराठा समाज

वसमत येथे सकल मराठा समाजाच्या वतीने काढण्यात आली प्रतिकात्मक अंत्ययात्रा

Sakal Maratha Samaj: वसमत येथे मराठा आरक्षणाच्या प्रश्नावर शासन आणि लोकप्रतिनिधींच्या भूमिके विरोधात सकल मराठा समाजाच्या वतीने संतप्त प्रतिक्रिया व्यक्त करण्यात आल्या प्रतीकात्मक अंत्ययात्रा

By : देशोन्नती वृत्तसंकलन » • September 03, 2026 06:01:30 PM

वसमत येथे सकल मराठा समाजाच्या वतीने काढण्यात आली प्रतिकात्मक अंत्ययात्रा

Sakal Maratha Samaj

वसमत (Sakal Maratha Samaj) : वसमत येथे मराठा आरक्षणाच्या प्रश्नावर शासन आणि लोकप्रतिनिधींच्या भूमिके विरोधात सकल मराठा समाजाच्या वतीने संतप्त प्रतिक्रिया व्यक्त करण्यात आल्या प्रतीकात्मक अंत्ययात्रा काढण्यात आली. या आंदोलनात मोठ्या संख्येने सकल मराठा समाज बांधव सहभागी झाले होते.

वसमत मध्ये सकल मराठा समाजाच्या (Sakal Maratha Samaj) वतीने ‘तिरडी आंदोलन’करण्यात आले. मराठा आरक्षणासाठी लढा उभारणारे संघर्ष योद्धा मनोज जरंगे पाटील यांच्या उपोषणाच्या समर्थनार्थ 3 सप्टेंबर रोजी सकल मराठा समाज बांधवांच्या वतीने प्रतिकात्मक अंत्ययात्रा काढण्यात आली. वसमत शहरातुन मुख्य मार्गाने ही अंत्ययात्रा निघाली शहरातील सत्यनारायण टॉकीज, झेंडा चौक, मामा चौक, ते शहर पोलीस स्टेशन, गवळी मारुती मंदिर, ते तहसील कार्यालय येथे प्रतीकात्मक अंत्ययात्रा काढण्यात आली.

तहसील कार्यालय परिसरात प्रतीकात्मक अंत्यसंस्कार करण्यात आले. यावेळी उपस्थित मराठा समाज बांधवांनी आपल्या भावना व्यक्त केल्या. या आंदोलनात मोठ्या संख्येने समाज बांधव सहभागी झाले होते. वसमत शहर पोलीस ठाण्याचे पोलीस निरीक्षक सुधीर वाघ यांच्या मार्गदर्शनाखाली आंदोलनाच्या निमित्ताने पोलीस बंदोबस्त चोख ठेवण्यात आला होता, शांततेत आंदोलन पार पडले.

टैग्स: Sakal Maratha Samaj