दुपारी 12 वाजून 2 मिनिटांनी फडकणार धर्मध्वज; मुख्यमंत्री देवेंद्र फडणवीस यांच्यासह दोन्ही उपमुख्यमंत्री, आठ मंत्री आणि देशभरातील साधू-महंतांची उपस्थिती
नाशिक : देशभरातील भाविकांचे लक्ष लागून असलेल्या नाशिक सिंहस्थ कुंभमेळ्याच्या प्रारंभाचा ऐतिहासिक क्षण आज अनुभवायला मिळणार आहे. राष्ट्रपती द्रौपदी मुर्मू यांच्या प्रमुख उपस्थितीत रामकुंड परिसरात भव्य धर्मध्वजारोहण सोहळा आयोजित करण्यात आला आहे. दुपारी 12 वाजून 2 मिनिटांनी धर्मध्वज फडकवला जाणार असून, या सोहळ्याद्वारे सिंहस्थ कुंभमेळ्याच्या पर्वाचा औपचारिक शुभारंभ होणार आहे.
या ऐतिहासिक सोहळ्यासाठी गोदावरीच्या तीरावरील रामकुंड परिसराला विशेष स्वरूप देण्यात आले आहे. संपूर्ण परिसर आकर्षक विद्युत रोषणाई आणि सजावटीने उजळून निघाला आहे. भव्य मंडपांची उभारणी करण्यात आली असून, विविध धार्मिक प्रतीके आणि ऐतिहासिक देखाव्यांच्या माध्यमातून नाशिकच्या धार्मिक परंपरा आणि कुंभमेळ्याचा आध्यात्मिक वारसा सादर करण्यात आला आहे.
Nashik, Maharashtra: Preparations are underway at Kushavart Tirth in Trimbakeshwar for the Kumbh Mela flag-hoisting ceremony by Chief Minister Devendra Fadnavis. The religious flag will be hoisted at 12:02 pm, marking the beginning of the Mahakumbh. https://t.co/Y3Zg6WrTe5
— IANS (@ians_india) October 31, 2026
राष्ट्रपती द्रौपदी मुर्मू यांच्या उपस्थितीत होणाऱ्या या कार्यक्रमाला मुख्यमंत्री देवेंद्र फडणवीस, दोन्ही उपमुख्यमंत्री आणि राज्यातील आठ मंत्री सहभागी होणार आहेत. त्याचबरोबर राजकीय क्षेत्रातील अनेक महत्त्वाच्या व्यक्तींसह वरिष्ठ प्रशासकीय अधिकारीही या सोहळ्याला उपस्थित राहणार आहेत.
देशाच्या कानाकोपऱ्यातून साधू-महंत आणि विविध धर्मसंप्रदायांचे धर्मगुरूही या ऐतिहासिक सोहळ्यासाठी नाशिकमध्ये दाखल होणार आहेत. त्यामुळे धर्मध्वजारोहणाच्या कार्यक्रमाला धार्मिक आणि सांस्कृतिक महत्त्व प्राप्त झाले आहे.
Nashik, Maharashtra: President Droupadi Murmu will attend the flag-hoisting ceremony for the Simhastha Kumbh Mela on October 31. Ahead of her visit and the historic event, the Ramkund area in Nashik has been illuminated with special lighting, with the Ganga-Godavari ghats glowing with lights.
— IANS (@ians_india) October 30, 2026
दरम्यान, सोहळ्याच्या पूर्वतयारीची प्रत्यक्ष पाहणी करण्यासाठी मुख्यमंत्री देवेंद्र फडणवीस यांनी रात्री उशिरा रामकुंड परिसराला भेट दिली. यावेळी त्यांनी कार्यक्रमाच्या ठिकाणी करण्यात आलेल्या व्यवस्थांचा आढावा घेतला.
राष्ट्रपतींची उपस्थिती, राज्यातील प्रमुख नेत्यांचा सहभाग आणि देशभरातील साधू-महंतांची उपस्थिती यामुळे नाशिकमधील धर्मध्वजारोहण सोहळा विशेष महत्त्वाचा ठरणार आहे. या सोहळ्याच्या माध्यमातून सिंहस्थ कुंभमेळ्याच्या पर्वाला सुरुवात होत असल्याने संपूर्ण देशाचे लक्ष नाशिककडे लागले आहे.
