वसमत (Wasmat Police Mission) : शहरात रहदारीला अडथळा करणारे हादगाडे व टपऱ्या रस्त्यावर आडवे-तीडवे लागणारे वाहन यांच्या विरोधात पोलीस निरीक्षक सुधीर वाघ यांच्या नेतृत्वाखाली ८ एप्रिल बुधवारी सायंकाळी मोहीम हाती घेण्यात आली होती. या अंतर्गत रहदारीसाठी रस्ता मोकळा करण्यात येत होता बस स्थानक ते आसेगाव कॉर्नर परिसरापर्यंत ही मोहीम राबवणे सुरू होते
वसमत शहरातील बस स्थानकासमोर वाहनांची कायम गर्दी असते रस्त्यावर आडवे तिडवे ऑटो उभे राहतात. त्यामुळे अपघात होण्याची काय भीती असते सोबतच बसस्थानकाच्या समोरील रस्त्यावर दोन्ही बाजूला हातगाडे टपऱ्या व इतर किरकोळ व्यावसायिक यांची गर्दी होत आहे. त्यामुळे राष्ट्रीय महामार्गावरून येणाऱ्या जाणाऱ्या वाहनांना व प्रवाशांना त्रास सहन करावा लागतो अनेकदा अपघातही होतात. या (Wasmat Police Mission) पार्श्वभूमीवर पोलीस निरीक्षक सुधीर वाघ व त्यांच्या पथकाने रस्ता मोकळा करण्यासाठी पुढाकार घेतला आहे.
बुधवारी सायंकाळी पोलीस प्रशासनाने वाहनधारकांना रस्त्यावर थांबण्यास मनाई केली आहे व रहदारीला अडथळा झाल्यास कारवाई करण्यात येईल, असा इशारा पोलीस निरीक्षक सुधीर वाघ यांनी दिला आहे.
