हिंगोली (Assistant Collector Yogesh Kumar) : येथील सहायक जिल्हाधिकारी योगेश कुमार मीना यांनी बुधवारी वरिष्ठ भूवैज्ञानिक विभागाला भेट दिली असता. जिल्ह्याचे वरिष्ठ भू वैज्ञानिक सचिन खोडे यांनी त्यांचा सत्कार केला. यावेळी सहायक भूवैज्ञानिक इंद्रजित दाबेराव, दीपक वाबळे, अशपाक, रमेश रिठे, वरिष्ठ सहायक साळुंके, रणवीर, आदींची उपस्थिती होती. दरम्यान, सहायक जिल्हाधिकारी योगेश कुमार मीना (Assistant Collector Yogesh Kumar) यांनी बुधवारी भूजल सर्वेक्षण आणि विकास यंत्रणा विभागाला भेट दिली असता कार्यपद्धतीचा आढावा घेतला आणि सुरू असलेल्या विकासकामांच्या प्रगतीची पाहणी करून माहिती जाणून घेतली.
हिंगोली जिल्ह्यातील भूजल व्यवस्थापन, तांत्रिक प्रगती आणि भविष्यातील नियोजनाच्या दृष्टीने ही भेट अत्यंत महत्त्वाची ठरली. या प्रसंगी जिल्ह्याचे वरिष्ठ भूवैज्ञानिक सचिन खोडे यांनी कार्यालयाच्या 'वर्किंग पॅटर्न'बाबत सविस्तर माहिती देवुन, प्रशासकीय समन्वय अधिक दृढ करण्यावर भर दिला. खोडे यांनी विभागामार्फत राबविण्यात येणाऱ्या विविध योजना, विशेषतः जल जीवन मिशन जलयुक्त शिवार, 1:10 k सर्वेक्षणाचे काम तसेच भूजल मुल्यांकन व भूजल पुनर्भरण प्रकल्पांच्या तांत्रिक कार्यप्रणाली बाबत सविस्तर माहिती दिली. महसूल प्रशासन आणि भूजल विभाग यांच्यातील तांत्रिक समन्वय वाढवणे, हा या भेटीचा मुख्य उद्देश होता.
