हिंगोली (Youth Rally) : मुंबईतील मेळावा यशस्वी करण्यासाठी खासदार डॉ. श्रीकांत शिंदे यांनी १३ एप्रिलला नांदेड येथे विशेष आढावा बैठक बोलावली आहे. हिंगोलीतील सर्व आजी-माजी लोकप्रतिनिधी आणि पदाधिकाऱ्यांनी या बैठकीला उपस्थित राहून त्यानंतर १८ एप्रिलला मुंबईकडे प्रस्थान करायचे आहे. युवा सेना नेते पूर्वेस सरनाईक, सचिन साळवे, राहुल लोंढे यांच्या उपस्थितीत होणाऱ्या या मेळाव्यासाठी हिंगोली जिल्ह्यातून मोठ्या प्रमाणावर युवा शिवसैनिक जाण्याकरता प्रवास व्यवस्था करण्यात आली आहे.
युवा सेनेचे जिल्हाप्रमुख राम कदम यांनी बोलताना -"माजी मुख्यमंत्री एकनाथ शिंदे यांच्या विचारांची ताकद मुंबईत दाखवण्यासाठी हिंगोलीतून रेकॉर्डब्रेक युवा सैनिक जातील. १३ एप्रिलला नांदेडचा निरोप सर्व पदाधिकाऱ्यां पर्यंत पोहोचवण्यात आला असून, सर्वांनी एकजुटीने या मोहिमेत सहभागी व्हायचे आहे असे प्रतिपादन राम कदम यांनी शासकीय विश्रामगृहातील बैठकीत केले. या बैठकीला युवा सेनेचे सर्व जिल्हास्तरीय पदाधिकारी मोठ्या संख्येने उपस्थित होते.
